منتدى الزجل المغربي
أهلا و مرحبا بك ايها الزائر
منتدى الزجل المغربي ،يرحب بك و بانضمامك إليه
أهلا بحرفك المزجال ،
ننتظر تسجيلك لتفيد و تستفيد
شكرا لانكم اخترتم مشاركتنا هذا السفر الزجلي
مع خالص موداتنا
منتدى الزجل المغربي
أهلا و مرحبا بك ايها الزائر
منتدى الزجل المغربي ،يرحب بك و بانضمامك إليه
أهلا بحرفك المزجال ،
ننتظر تسجيلك لتفيد و تستفيد
شكرا لانكم اخترتم مشاركتنا هذا السفر الزجلي
مع خالص موداتنا
منتدى الزجل المغربي
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى الزجل المغربي

منتدى خاص بالزجل المغربي شعرا و نقدا
 
الرئيسيةالرئيسية  البوابةالبوابة  أحدث الصورأحدث الصور  التسجيلالتسجيل  دخول  
ازرار التصفُّح
 البوابة
 الصفحة الرئيسية
 قائمة الاعضاء
 البيانات الشخصية
 س .و .ج
 بحـث
بحـث
 
 

نتائج البحث
 
Rechercher بحث متقدم
تصويت

 

 العطار مع الأمتال

اذهب الى الأسفل 
2 مشترك
كاتب الموضوعرسالة
محمد بوبكر

محمد بوبكر


عدد المساهمات : 130
تاريخ التسجيل : 17/09/2010
العمر : 45

العطار مع الأمتال Empty
مُساهمةموضوع: العطار مع الأمتال   العطار مع الأمتال Empty2010-09-20, 23:25

دازت سوايع طويلة...فيها الفرحة قليلة
هديك خبار لقبيلة...لّي بينك وبينهاصيلة
الدنيا ما التّيق هبيلة...خاوية وبلهم تقيلة
ولّي فاتك بليلة...كٌالو فاتك بحيلة
...
شفتو غادي محتار...والضيم باين فيه
تالف هد العطّار...والفرخ طاير ليه
واراكب عالحمار...وراه يقلّب عليه
....
ومالك على هد لحالَة...مالك غادي وتعواج
مادّير راسك فنخّالة...وكٌاع ماينقبك دجاج
أوَ قابل الصالة...زعمَ يكٌولولك الحاج
حالتك ماهي حالة...وراك شاد الفيراج
...
اوْبكر نهار الحد...اوبدَ يحفر بفاسو
كٌالو كنز فالسد...كٌال يصرفو بقياسو
حيت الشر مايجبد حد...غير لي جبدو لراسو
...
او شرَ مرّارت لغراب...كٌالو لايضرّوك
مزال تكتب حجاب...حيت الكنز مشروك
فالتالي طلاها تراب...لا ديدي لاحب لملوك
...
او بلْيَ واشمن بليَ...ياك يا الزهر لغدّار
لوكان بغاتك الدنيا...كّاع ماتْولّي عطار
سّاع لكٌنازَ حاميَ...ولميِّت فيها فار
...
فالزناقي قيّال ايدور...واش ايدير واهياوَ
خاصّو شْوِيّا لبخور...خاصّو حضرة بكّناوَ
ملّي كايطيح التور...عاد يقواو الجناوَ
...
مرتو غاد وجارّ...شال بلية موراها
مالك هكد يامرَ...الدنيا الموت وراها
الزين فالدفلى وحارّ...كيفاش تشرب من مها
...
هو معاها مسكين...يهبال يحماق عليها
خاصّو إلى يْكون رزين...امّ خير منها يدّيها
كاتلوا تعلى العين...الحاجب عالي عليها
...
إوَ نس لي ينساك...نوض جري وجاري
شوف غيرها ترضاك...الدير معاها دراري
لكلام راه معاك...ولمعنى على جاري
...
وناض سافر لفاس...باغي يقصد لجواد
خاصّو يعاود فالساس...إلى باغي لولاد
ولّي كايتقطّع بلفاس...راه كايدّيه الواد
...
يالّي داير لكحل... داير فلعطّار حالة
مالك كٌّالسة فالضل... كٌُولي واه ولّ لا
راه لي فراس الجمل...كاين فراس الجمّالة
...
كٌُالو وحدين عيساوة...ويدير الليلة تمْ
كٌُالو لخرين كٌُناوة...وهومن العم يحشم
راه مسبّق لهراوة...او مزال ماشرَ لغنم
...
هاهو ناض فصباح...هاهو عكل او طاح
خاصها النّيت صحاح...خاصها وحدين ملاح
راه الكلب النبّاح...مايعض مايرتاح
...
مبقاتشغير فلهدرة...إلى كان القلب غافل
عنداك تكٌُول ياحسرة...مايكٌُولها غي لّي غافل
يا لمزوّق من برّا...آش خبارك من داخل
...
لمرة صافي فلكوزينة...تعشّينا دجاج وحمام
باين تابتة ورزينة...بلحشمَ وقلّتْ لكلام
الحاصول لالّ زينة...وزاها نور الحمّام
...
وْحضر ّ عمّو بورزّة...دخل بالشطحة والركزة
راه باقَ فيه القفزة...مايفهم غير بالنغزة
كٌُالولو الحر بلغمزة...ولحمار لي بالدبزة
...
وهد بورزّة من لحباب...جا وجاب صوابو معاه
يرحم لي جا وجاب ...واخّ الدّيسير نساه
غضّب العطّار بسباب...جايباركلو وعماه
...
إوَ لحالة مزيان...وتجمعنا على أتاي
كلشي مقدر ميزان...خاصك تقنع يا خاي
واش خاصّك يالعريان...لخاتم يا مولاي.
الرجوع الى أعلى الصفحة اذهب الى الأسفل
الهام بوبياض




عدد المساهمات : 23
تاريخ التسجيل : 18/09/2010
العمر : 31
الموقع : loma_ilham1983@hotmail.com

العطار مع الأمتال Empty
مُساهمةموضوع: معاني الكلام   العطار مع الأمتال Empty2010-09-22, 09:18

معاني القصيدة فالكلام والا كان موزون تمهل فقرايتك ليها باش تفهام ومعانيها عليك تسهل
الرجوع الى أعلى الصفحة اذهب الى الأسفل
http://loma_ilham1983@hotmail.com
محمد بوبكر

محمد بوبكر


عدد المساهمات : 130
تاريخ التسجيل : 17/09/2010
العمر : 45

العطار مع الأمتال Empty
مُساهمةموضوع: رد: العطار مع الأمتال   العطار مع الأمتال Empty2010-10-13, 09:53

!!!!!!!!!!!!!!!!
!!!!!!!!!!!
!
الرجوع الى أعلى الصفحة اذهب الى الأسفل
 
العطار مع الأمتال
الرجوع الى أعلى الصفحة 
صفحة 1 من اصل 1
 مواضيع مماثلة
-
» حوار خاص مع : الزجال إدريس بن العطار.
» قراءة في ديوان عيوط ام هاني للزجال ادريس بن العطار

صلاحيات هذا المنتدى:لاتستطيع الرد على المواضيع في هذا المنتدى
منتدى الزجل المغربي :: الادارة :: امثال و حكم-
انتقل الى: