عبد العزيز زكي
عدد المساهمات : 1 تاريخ التسجيل : 20/09/2014
| موضوع: خلي الخير مدفون 2019-11-11, 11:36 | |
| شْفتْ الشَّرْ عَرْبُونْ يوَرَّتْ الذُّلْ سْـــــــــــــــــــــــــلاَلَة وُ خْطِيته فْ سْكُونْ رَاضِي فْ الدُّنْيَا كْفَـــــــــــــــــافْ
مَا رَانِي مَفْتُونْ نْحِيرْ و عَشْرَة مْنوَالَــــــــــــــــــــــــــة بْ دْوَامْ لْهُونْ غِيرْ تْبَرَّدْ لْكتَـــــــــــــــــــــــــــــــــــافْ
خَلِّي لْخِيرْ مَدْفُونْ ينْفَعْ فْ يُومْ لْبْدَالَــــــــــــــــــــــــــــة وُحْنِي الرَّسْ تْكُونْ وَقْتْ لْحَمْلَة صَفْصَـــــــــــــــــــــافْ
لاَ تْغَرَّكْ لَظْنُونْ بْ لْخَفْ تْزِيدْ تْتْعَالــــــــــــــــــــــــــى تحَطَّكْ فْ الدُّونْ وُ فْ عَينْ لْخَلْقْ تْخْفَــــــــــــــــــــافْ
سَالْ عْلِينَا شْكُونْ تَعْرَفْنَا صْلاَبْ رْجَّالَـــــــــــــــــــــــــة صْنَاددْ لَمْتُونْ خَرْجَتْ مْنْ بَيتْ لْشْـــــــــــــــــــــــــرَافْ
سَالْ عْلِينَا خَيْلْ لْحَرْكَة وسَالْ لْخَيَّالَـــــــــــــــــــــــــــة سَالْ عْلِينَا اللِّيلْ حَسْكَة وُ سْقِيعْ لَرْيـــــــــــــــــــــــــافْ
سَالْ عْلِينَا لْهَمْ شَرْكَة وُ لْقَسْوَة ڭْــــبَالَـــــــــــــــــــــــة سَالْ عْلِينَا السّمْ ذْقْنَا لْمْرَارْ صْنَــــــــــــــــــــــــــــــافْ
سَالْ عْلِينَا و سَالْ وُ حْكَمْ تْزمَامْ لْمْقَـــــــــــــــــــــــــالَة تْنَالْ الدّخْرَة جْبَالْ نَاطْقَة فْ رْبُوعْ لْفْيَــــــــــــــــــــــافْ
رْبَطْ شْمَارْ لْجَدْ وُصبَرْ تْعَزْ لْحَالَــــــــــــــــــــــــــــــــة غْرَسْ ثْمَارْ لٌغَدْ تْغنِيكْ سْنينْ عْجَــــــــــــــــــــــــــــــافْ
لاَ يْهَمَّكْ لْكْلاَمْ وُ كْسَى بْ لْخَيْطْ دْرْبَالَــــــــــــــــــــــــة لَوْ َترْحَلْ لْلشَّامْ مَا تِيهْ عْليكْ لُوصَـــــــــــــــــــــــــــافْ
عْرَفْتْ النَّاسْ زْمَانْ تْزَايْدْ فْ عْرَاضْنَا دْلاَلَــــــــــــــــــة يَا وَعْدِي وُالنَّاسْ وَالْفْتْ لحُومْ لْجْيَـــــــــــــــــــــــــــافْ
مَا يْخْطاكْ رْمَادْ كُونْكْ للْحَيْطْ تْتوَالَــــــــــــــــــــــــــــة لَوْ تَمْشِي قَرَّادْ يْقُولُو خَيْنَا زَحَّــــــــــــــــــــــــــــــــــافْ | |
|