..................رغى لحروف................

دخلت سوق دواخلي
ﻣلݣيت هناتي
نبري على ساسي
من راسي
دخلت جوا راسي ما
لݣيت غير يدي وصحرا
العار عليك
ﺂسواكني
وافين ديك لݣمرة
لي من ضوها
مرفوعين كتافي
دخلت سواكني
ﻣلݣيت غير الجدبة
نزاوك في لحرف
شان راسي
عروسة يتيمة لعاصر
في كحل صباحي
ﺂلعار ﺂلقاري جدبة حروفي
رمي ببياضك فتوح عزاتي
في سطورا شاڈة حق الله
رمي بلثام لمحبة
ولا تعجب من
كلام حراني
مقرا لفقي
علتي في لواحي
يسبب ويبرݣم
في حروز نواحي
ﺂحياني
كون كان لفاݣد ڣێ يداوي
نفدفدو في جلال صبري
نتوضا بيه ...نخرج
سلكة مسيد زماني
ﺂسامع هوالي..
فيك نلقى رجاتي
ﺂشافي جبيرة ݣلبي
سقي دواخلي بصبر فكاكي
ندلي سوالف جدبة
راحت سربة لفراح
وما عشات
مريوحة نجدب .
.والدمعة حسكة
في حلق لعمر
نراري بحزاني
وا خي على جدبة يامي