كون فهمني راسي

موضوع: كون فهمني راسي 2011-09-20, 10:14

كون افهمني راسي
﴾﴾﴾
كون افهمني راسي
كون دارْ ب وجهي
كون هو راصي ونا راسي
ولاَ ف سواقْ مَلْهي
********
مرة إفيّقْ همي
نْعَّدْ نْجومْ ونَحْصيها
مرة واشْ أنا آدمي
ف لَرْض نمْشي فيها
*********
إفيّقْني عل للي باعو لونهم لَريحْ
وطمعو منو جاهْ وقيمة
ولَبْياضْ على بومَسُوسْ إسَرْسَرْ وطيحْ
طوبو اهبيلْ وحالتو عديمة
*********
إفَكَرْني ف شْدايدْ لَيامْ الشادة
وتْزاوَقْ لَكلامْ وضَّحكَة لَمْغلْفة
والآبْسينْ الحَرْ ونارْ البارْدة
مافيهم مْحنَّة ولامْوالْفة
**********
القاهْ فيا كل اليومْ
ب وَسواسْ وللي ما يَسوا
وذكّرْني ب للي ماعندُ سومْ
للي ما إﮒرْ فيهْ ادْوا
**********
جالْ معيا وجَلتْ معاهْ
جَلْنا ف اركاني لَحْلامْ
والحلْم اصباحْ اجلاهْ
صارْ مْعاوْدة وكلامْ
*********
تْسرَطْ ليا اللسانْ
ف مْجامعْ الناسْ
وتْخلَّطُو ليا لُوزانْ
والدوقْ مْساسْ
**********
لوكانْ فْهمني و طاوعني
وهذا اصعيبْ المنالْ
هكذا تربى وهو مني
عيَّاني ب طَرحْ السؤالْ
؟
؟

عبد السلام البعليوي

» شكون فْهمني..
» انا مع راسي..
» رحبة راسي
» نصحتك يا راسي
» سولت راسي كيف