يا سامع الكلام

يا سامع الكلام
ولا تنسى تقراه
وفهميه ولغاه
وخلي عقلك يعيش معاه
ولا داك النوم في الأحلام
سيح معاه
علا وعسى يكون الخير معاه
ولا كان كيف بوغطاط لا تعارك معاه
وقول خير وسلام
لان النوم خو الموت
ولا حيلة مع الموت
اايه يا سامع الكلام
راه الكلام الزين صدقة
في السما تولي شجرة
ثامرة ومنورة
ما شي استهتار ونقمة
واهانة وضحكة
الله يرحم من قال :
هو يضحك والضحك فيه
سرجو خالي والبق فيه
اايه يا سامع الكلام
الا ظهرت المعنى
لا فائدة في الكلام
وعود ثاني تيقولوا :
الحر بالغمزة
والعبد بالدبزة
والجاهل معذور يا حضرة
والمستوه ما يفهم أي كلمة
وهكذا غادي يبقى ديما
البيضاء في :14/08/2011
إمضاء: نورالدين محفوظ