ناس غدَّا من ناس البارح

نفض ترابك
مني...
نكون خير لناس غدَّا.
جاي مهبوب
فريح.....
من ناس البارح..
مخزون ف مطامر
ذهب أو فضة...
جاي فطريق
سايح....
مهزوز ب كلمة
مجنونة...
تعاند ف ظل البارح
تقاوم ضو اليوم
قبل غدَّا....
غير خدوني....
لله غير خدوني..
سلفوني جناح
نعلِّي فالعلالي..
ن طُوف الكون
نقصد شمس كياني..
نطفي دمع عياني..
غير خدوني ي ي ....
لله غير خدوني
نجّْمُوني نجمة ف سماكم
رسموني بحر..
ننسج حياة ب ماكم..
نجِيكُوم محزّْم بالزمان
مرزّْم ب خدود الرمان
نقطعني بلا ما..
نطوف سبع سما.
نقطف وردة من جنانكم
نزرعها فجناني
نسقيها ب طرِيّْف مني..
نهديها ل رجال غدّا
باسم صبيان اليوم
و جنين البارح...