حروف لحال

مانا زجال مزوق بللوان
مقامو
مانا من اهل الحال
فراس الجبل
هاز اعلامو
انا غي يثيم
وعايروني
ما نسكم رسوم لحروف
ما نعرف نكتب
ولا ندون امقال

انا
هاد لحرف
كيف لبزولة بغيتو
واخا
مانعرف نرضع
منو مابغيت اطمع
واخا نبات الليالي جيعان
واخا ضرعو اغرز
ولا ترجيت
بزازل بالحليب هوادة
نترجاها
من حرفي فيوم يعطف
واخا لقلم فيدي
من امدادو انشف
درت نقلب على فقيه لحومة
يكتب سبوب لمدادي
وكتبو لي فيد امرة
بيضا
ضروعها
تصدق عليا لمداد حليب
وحتى هوا اخدا فتوحو
وسار
وسرت نترجى
اقدام الربح
خاينة كيف ريحو

انا عارف عودي يعتر
قدام لعيون فالتخريجة
ويزيد علامو بسلهامو غدة
انا عارف
واخا البيضة فيا حامية
هي بدمها
في خامجة
بلا اولاد
انا هاد الحرف
ديما اعليه نعيط
وديما يجيني مخطوف
كيف لعجاجة
بلا سبة
وينسى زحم لولادة
وينكرني
كيف نكروني اهلو
هزو عليا سيوفهم
ناوين راسي
وقالو هاجم علحرف
ومازال هاز علامك بنعناع رمان
وزايدو سبولة
والهاجم يموت اشرع
وشنقوني انا وحروفي
ونشفات الدواية
فصدري دفنوها
وستنيت لفقيه
على قبري
يقرى لقصيدة
فيها ننبت
ويكون ديما لساني
مساعفني
ما ينوي ضد ولا زحام
يكون فيدي مكحلة
بيها نصيد فرخ لكلام
ويزيد
يزوق قبر لعدو
الله يرحمك يا عدو
بشاهد من رخام

نص من صلب الصدق

عارم بالبهاء

وجمال الحروف


سأعود

لأنهل أكثر من هذا الجمال

ودي وتقديري

زينب اوليدي كتب:

نص من صلب الصدق

عارم بالبهاء

وجمال الحروف


سأعود

لأنهل أكثر من هذا الجمال

ودي وتقديري

الغالية زينب بهاء القصيدة ببهائكم شكرا للمرور