الصَّحْرَاءْ هِيَ بْلاَدِي أرْضِي وْأَرْضَ اجْدَادِي
الصَّحْرَاءْ هِيَ بْلاَدِي
أرْضِي وْأَرْضَ اجْدَادِي
عُمْرِي مَا نَتْخَلَّى عْلِيكْ
حُبِّي لِيكْ مَالُ ثَانِي
بُعْدِي عَنَّكْ حَطَّمْنِي
الصَّحْرَاءْهِيَ بْلاَدِي
أَرْضِي وْأَرْضَ اجْدَادِي
نْخَافْ عْلِيكْ مَنْ لَهْوَاالطَّايَرْ
هَاذِي الصَّحْرَاء بْلاَدِي
هَاذِي الصَّحْرَاء الحُرَّة
الخَاطْيَة مَنْ لَعْيُوبْ
أَرْضِي وْأَرْضَ اجْدَادِي
بِكْ يَنْبَا وْيَعْلاَ شَانِي
أَنْتِ قُدْوَة وْرَمْزَالسَّلاَمْ
وْمَنْبَعْ الحَيَاة وَالسِّلْمْ
وْعِينْ حُسَّادَكْ بَالغِيرَة
تَنْظُرْ بَالْخِيــــــــــبَة
تَلْقَاهْ يَتْمَعَّنْ حَتَّى فَ خْيَالَكْ
وْمَاهَمُّو يَنْشَرْخْبَارَكْ
بْتَزْنَادْ لَعْوَافـــــــي
وْبَارُودْ كْلاَمُو لْمَخْبُولْ
اللِّــي مُولاَهْ مَهْبُولْ
هَذَاكْ عْدُوكْ لْمَسْعُورْ
لْقَاطَعْ لَبْحُورْ وْأَرْضَ لْبُورْ
أُ كُولِّي شْكُونِ يكُونْ
الصَّحْرَاءْ هِيَ بْلاَدِي
أَرْضِي وْأَرْضَ اجْدَادي
يَادَكْ لْعَاشَقْ فَ لَغْرَامْ
غْرَامْ الرَّمْلَة الصَّحْرَاوِيَّة
وَاشْ تَرْضَى بْتَنْعَاتْ اصّْبَاعْ
وْلْسَانْ حَامَلْ سَمُّ يَلْسَعْ
كِاللَّفْعَة لْكَرْطِيطَة تَلْسَعْ
وْتَهْرُبْ لْغَارْهَا تْشُوفْ يْمِينْهَا
وْشْمَالْهَا وْمَا هَمّْهَا حَالْهَا
فْ لْمُصِيبَة اللِّي قُدَّمْهَا
الصَّحْرَاء هِيَ بْلاَدِي
أَرْضِي وْأَرْضَ اجْدَادِي
مَا نَنْسَى خِيرَكْ عْلِينَا
وْغْرَامَكْ ديِمَا شَاعَلْ جَمْرَا
عُمْرُو مَا يَطْفَى وْلاَ يَتَّمْحَى
وْهَذَاكْ عْدُوكْ اللِّي مَا عَنْدُو
مَلَّة نْقُولْ لُو فْ كَلْــمَة
بَارَكَ عْلِينَا مَنْ الْبُهْتَانْ
بَارَكَ عْلِينَا مَنْ الْبُرْهَانْ
بَارَكَ عْلِينَا مَنْ الْقِيلْ وَالْقَالْ
الصَّحْرَاء هِيَ بْلاَدِي
أَرْضِي وْ أَرْضَ اجْدَادِي
نْكُولْهَا وَ نْرَدَّدْهَا أَلْفَ مَرَّة
حْتَّى الشَّبَابْ وَ الشِّيَّابْ
تَابْعِينْ لَوْلاَدَ الصّْغَــارْ
يْرَدّْدُو بَاقَة مَنْ لَكْــلاَمْ
الْمَلْكْ مَلِكُنَا وْالصَّحْرَاء صَحْرَاؤُنَا
هَذَا طَابَعْ لَمْغَارْبَة لَحْرَارْ
وَرْمَتْ لِيدْ بْتَخْبَالْ لَقْيُودْ
وْمَا هَمّْهُمْ حَألْـــــهُمْ
وْصُوتْهُمْ يِنَادِي لَقْرِيبْ
وْلَبْعِيدْ بَأَحْلَى الرَّنَّاتْ
الصَّحْرَاء هِيَ بْلاَدِي
أَرْضِي وْأَرْضَ اجْدَادِي
نْخَافْ عْلِيكْ مَنْ لَهْوَا الطَّايَرْ
خَليِّ الْعَالَمْ يَسْمَـعْنَا
وِيعْرَفْ بِأَنَّا يَدْ وَحْدَة
مَا يَقْدَرْ عْلِيهَا غِيرْ مُولاَنَا
خَليِّ الدَّنْيَا تَهْتَـفْ
وْتَصْرُخْ بِاسَمْنَا وَتْقُولْ:
هَاذِي الصَّحْرَاء الْمَغْرِبِيَّة
وْ حَتَّى الرَّمْلَة يَا سْيَادِي
وْعْلَى ضُـــو لْكَمْــــرَة
وْسَالَفْهَاطَلَقْ خْيُوطْهَا الذَّهْبِيَة
تَنْطَقْ وَ تْقُولْ:أَنَا الْحُرَّة الْمَغْرِبِيَّة
وْمَلِكِي وْ شَعْبِي لَعْزِيزْ عْلِيَّ
وْ صَمْتِي وَسْكُونِي شَاهْدِينْ عْلِيَّ
أَنَا الصَّحْرَاوِيَّـــة الْمَغْرِبِيَّـــة
أَنَا اللُّوبَانَة الْحُرَّة وْ كِيّْـتَكْ كِيَّ
فْ دْوَاخْــلَكْ لْمَنْـــــــسِيَّة
بْ حَرّْ كْلاَمَكْ لْمَكْـــــوِيَّة
وَلاَهَمّْنِي لْغَـاكْ خِيبْتَـكْ
خِيبَة وْبْعِيدْ لَبْلَى وَلْبَاسْ عْلِيَّ
وْالطَّاغِي وْعْدُويَ يَبَعَّدْ عْلِيَّ
والصَّحْرَاء هِيَ بلاَدِي أَرْضِي وْأَرْضَ اجْدَادِي
كاتبة الموضوع:
خديجةصادق
ملاحظة :كتبت هاته الزجلية أمس للدفاع عن وحدة الوطن من البوغاز الى الوحدة الترابية الصحراوية،
واستنكار الموقف الأمريكي السخيف والغير المبرر.
[center]
الرئيسية 
