ذكَـر الريح
غاره...............غاره
ذكَـر الريح اسْرق طارة
قضى ليلـُه ينغم دروب الحاره
لـَـبَّسْنا الخوف نـْعاله
باعنا لـَ زْهُوه بْدرهم هْباله
الليله لقلوب واقفه
فْ محراب الذل تالفه
الخيل صْهيلها مـْضَوي لـَرجا
مـْرَعَّش ريش الطير فـَ المرجا
خبِّينا لبنات فـْ حلابه
راغ لـْبَنها بَلبابه
عْقيم السّلاله
غـْزات نْسايمُه بْسفايح الخيَّاله
لقلوب الهايمه فـَ الضلوع المَيـَّاله
صلـَى فـْروض عَشـقـُه على سْجاد الليل
نفـَّــلْ وْجاعنا عْلى ظْهور الخيل
مكتوبه علينا الليله
تجري الدَّمعه سيَّاله
لــَمِّينا سْهامنا
نادينا عْلى طالـَبنا
حكـَّـمناه فـْ العزله
شكون يَخـْرج لـ َ نَّزْله
شابت شُوفة العين
نَزْلت عَرقـَه مـَن سْحوب لَجبين
ذكَـر الريح شَمـَّـر سيوفـُه
زْرَع الشُّوق فـَ سْوالَف مَلهوفـُه
كيف اصْـبَرتِ يا صْدر الرّجاله
على قـْصيف النْعاله
يْبيع بْناتك فـْ هْموز دّلاله
خَرْجَت النْسَا اتـْفرَّق الــْْغـَا حَنـَّه
وَقـفـُه عسَّاسه عنـْد ظهورنا
رْماو الورد تحتْ اقـْدامنا
طـَلعت الشْميسه تـْصَـبَّح اخـْبارنا
حَلـْفـُه لـَو ترْعَش سْهامنا
يـْطعْنو بْالزغارد عْناقنا
رْبَطنا الشوك فـْ حزام العفـَّه
اسْتوْدَعْناهم لـَشواق التـَّالفه
رْمى ذكـَر الريح سيوفـُه مرَّه
وارمينا مرَّه
لـْقا صْدورنا عند الحضره
نـَـدَّت مَن بين ضْلوعها قطره
على وْجه السِّيف نزلت رَعده
عَـجـّلت بالزَّفه والعـَدَّه
هزِّينا ذكـَر الريح المسعور
دْفناه فـْ القبر المسجور
وارْجعنا بَقـْتيلنا المغدور
طيَّبـْناه بالعَطر المَسْحور
عند الغروب خرَّجنا بناتنا
نغسلـُه حناكهُم بالسَّلوى و المَنـَّه
مَن بَعد سْنين الخوف
خلـَّــف الطير.. ريش الجـَّنح المنتوف
الرئيسية 
