فتيحة رشاد
عدد المساهمات : 25 تاريخ التسجيل : 27/09/2011 العمر : 60
| موضوع: حال من لحوال 2012-08-02, 02:10 | |
|
يالحال
يا لمحسوب من الزمان
ايام واشهور واعوام
يا لجامع بين لوقات
ضو النهار والليل لمظلام
ازمان احكام
مايشالي
ما يكفض اكمام
كلشي بالتمام
ال امشيتي ترجع
طايح نايض
من اطريقك دازو اقوام
ياك للعالي ادوام
فكر فلمقام
هذا الشهر الرحمة
هل اعلينا
اهلالو
ايامو زينا
اتنزل فيها اكتابو
الرحمة والمغفرة
والعثق من النار فيه يكتابو
يالجافي حل لقلبك بابو
اسوارت الرباح هنا يتصابو
يا اللي نممو
واغتابو
يالمضيعين لتيم ف احسابو
يا الناقصين من الدين اركانو وافراضو
يا السارحين في هم الحال
راه السرحة اعمرها محدود
البارح ما فيه انفع
واليوم لحالك رقع
وغدا ليه تخمام
لا مع الله حيلة
كلشي يفنى
وتبقى لفعال ولعمال
وفي وزيد وفي لكيال
راه الحال اقصير يا اهل الحال
زرب المشية
وشعل افتيلة الرجى
اتضوي الخاطر لمظلام
حزم لسانك بلوقر
و الحق يكون عل قلبك اوشام
وصدرك زينو بالقراٌن
وصلو على نبينا
الشافع فينا في دار الدوام | |
|
زائر زائر
| موضوع: رد: حال من لحوال 2012-08-10, 05:42 | |
| الاخت فتيحة كف ما سبق وقولت اللي متبع كتابتك من الاول غادي يشوف هذ التطور النوعي نتمنى تابعي المسير على طريق الزجل وشوفي اللور وف الجنب والقدام باش نكون خصني نعرف منين جيت بمفهوم اخر القراية سلالم النجاح كل ماقريت كل ماعليت اكتر واكتر ابداعيا |
|