بلادي يا زين البلدان يا مغرب

جلت الدنيا بالعرض والطول
إلى جيت للمعقول
بحال بلادي ما مثلو مثول
جبال وهضاب وسهول
بزينو وبهاه كامل ومكمول
الشمس الدافيا
شعاعها مرسول
امواجو وابحورو العاليا
تنطق وتقول
تعالى للمغرب
إلى بغيت تتسارى وتجول
وديان غابات وحقول
فيها تتمتع وغايتك تنول
تبوريدة وخيول
طواجن وكسكسو مفتول
طياب بلدي ما هو مدغول
اللذة والطراوة ف الخضرة
أما الفاكهة غير اغسل و كول
الحصول
خير بلادي كثير
باين في الغلة والمحصول
طبيعي ومداقو معسول
اعطاه الله السر والقبول
زين بلادي سالب لعقول
اللي زارها يمشي
ويبقى اعليها يسال ويسول
ويتمنى ليها يولي
إلى عمرو يطول
الله يحفظ كل
من عليها عساس ومسؤول.