بمناسبة عيد الأم أهدي محاولتي هاته إلى كل أمهات العالم "شمس الروح"

size=18]شمس الروح

أنت قلبي و صوت هاد الروح

درتهم بين يديك هدية

سماك الله أحْسن سْمية

انت الأم لي وصّى عليك

الله وحْتى الأنبياء

===

يا لمْروْحة حياة ل حياة

يا لمْخلطَة ذات ف ذات

إلا تاه لعقل منا

فيْقِيه بذكريات

===

دْرتَك مْضّمة ف مَحْزم لْيام

لبستني قفطان ملف

مرصع بكلام

علَ شموخك

حطيت تيجان و تيجان

هديتني قنديل لحشمة

وراني طريقي ف ظلام

ركبتيني عل عوْدي

وخلتي فيدك لجام

رميتي علي حْب الحق

خرجتني من لأوهام

فرشتي لي حبك

حسيت بالأمان

شمرتِني بشْمار الحكْمه

و هْدتني لزْمان

ثْقلتِني بخلاخل لحْياء

ما عليك مْلام

===

بخيوط رضاك

خيطتي لي

أجمل سْلهام

حايْك محبتك

مسَخّني عل دوام

من سدا احلامك و يامك

ولي كان ولي يكون

نجيتي لي غْطانا

حنبل و عبانا

يحمي

الشوفـــه

الكلمـــه

من برودية النفس

إلا غواها لفلس

===

يــاه مزينك امْرى

كلمه من فمك

بحلاوة ثمره

نضرة من عينك

ضاوية كٌُمرة

لَمْسَه من يديك

تمحي لحكٌره

===

محبتك عْراصي رْمّّان

شجرها يرد صهد الزمان

نطلب العالي المنان

يحفظك و يعلي ليك الشّان

يا محور الحنان
[/size]