همسة .... زجل

القلبْ.. من رْخَامْ بَارد..


تّنْشرْ عْليه شْعاع الشمس من بْعد شْتا طْويــــل و قاسي


القلب نْسَى..وْنْسى وْ نْسَى


وْبْكثرةْ مَا نْسى بْدا يْتفكّرْ


تفكّر بلِّي كان ناسي


نسى التفكير..


وتفكر النسيان


القلب فرحان


بْشْعْر الشمس الْمْدلِّي عْلى رخامو سوَالفْ عَاتْق


القلْب هام ..


عام..


وصام.



هام فْالحب اللي النسيان فكّرُو فيهْ


وعام ف احْلام ريـّْـبْهَا بْــلا ما يشْعــر


بْــيدِّيــهْ..


و صام


صام.. حتَّى جَا الْهلالْ


جَــا هُـو وْ جُوجْ نْـــجِــيماتْ


و بْالشّوِيــَّــة قَالُولُو فْ وْدْنِيـــهْ:


الصّيَام


من بعد الْهلال حْرَام.

يونس، أخي في الرضاعة من أثداء المعنى، كانت ليلة جميلة أخذنا فيها حديثنا عن الزجل و الأدب حتى نسينا تعب السفر. الشذرات هنا، تنتظر فك القيود عنها. أتمنى أن لا تبخل علي بزيارتك كلما أتيحت لك الفرصة.
مودتي أيها الأخ العزيز