خليني ...اهداء لكل من اخد بيدي ليوصلني الى اعتاب الحرف

خليني

خليني يا مكتابي...خليني
ندخل سوق عمري
نتسراه بالعرض و الطول
ندخل رحبة ايامي
نكيل من قمحها
نفرز لمحبه من لقشور
حبه...حبه
نطحنها ف رحى الصبر
نغربلها بغربال الزهر
نخبزها قريصات
ف ميدة لحلام تخمر
نحمي لفرينه بتنهيدات
يشخدها لهوى الا زهر
يا مكتابي....مال خبز هاد الدقيق جاني مر
واش لعيب ف لي خبزه
و لا قمحي ف السبول تطمر
واش اللوم على الكيال
و لا على تراب هاد الارض

خليني يا مكتابي ...نكون

ف كتاب عمري ميره
بين الكاف و النون نكون
نصبن دواخلي بضو هاد لكون
ننشرها على حبال الرجا
نلبسها و تلبسني
و نشم فيها ريحة النجا

خليني يا مكتابي...خليني

نسرح عمري
فمرجك لخضر
ف فدان هبالك يكبر
يشبع و يتعقل
نحضيه من دياب مبسمه تشطح
على هيدورة لغدر

خليني يا مكتابي...خليني

نكربل تراب لعمر
بمحارث سكتها الصفا
من كربة لوصال يروى
تسنبل ايامي
تتمايل ف لعلالي مجرده
تعنقك يا مكتابي
حشمانه بخدود مورده
من خيوط السحاب ننسج له
فراش جديد
ف حجر السما نسبع له
الشمس تزغرت و تزيد
يرضع من بزولة لقمره
يخاوي النجوم
يكبر ف احضان لكون
لفرح ف دخاله موشوم

خليني يا مكتابي...خليني

دير بريي و هنيني
خليني مني لعمري
خليني...خليني...خليني...

عدد المساهمات : 12 تاريخ التسجيل : 28/02/2011

اولا كنرحب بالزجاله فاطمة الزهراء الربع ف منتدى الزجل المغربي هاد الصوت الزجلي المتميز واللي بين لي شخصيا عن مقدره كبيره من القصايد الاولى ديالها كان عندي الشرف انني نكون بحكم تواجدي معاها ف نفس المدينه انني نلتقي بها اكثر من مرة واني نشوف الخربشات الاولى ديالها لكن هاد النص بالاساس كان مفاجاه مفرحة بالنسبة لي نص كيحمل تباشير زجاله كبيره سواء من حيث الصورة الشعرية اللي كتكتب بها او من حيث القاموس الزجلي الغني ولا من حيت بناء القصبدة وانتماءها للحداثة وهاد النص دايما حسب اعتقادي الشخصي هو شهادة ميلاد واعلان حقيقي ومكتوب عن صوت زجلي متميز وكنطلب من باقي الزجالين والزجالات يتابعو مسيرتها ف الكتابه فاطمة الزهراء طاقة زجلية نادرة وكيحمل تخوف كبير من عالم الكتابه وهاد الشي كيدل على احترامها لكبير للكتابة واعتقادها بانها مسؤولية ما شي لعب لحروف والكلمات وان هاد التخوف حاصل عند ل المبدعين الحقيقين اللي كيقدرو اهمية الابداع وضرورته
فاطمة الزهراء وانا كنقرا هاد النص كتغمرني فرحه كبيره فرحه اللي لقى ونسه الحرف وهم الكتابة كنت كنح براسي يتيم ف الزجل بمدينة جرسيف لمدينة اللي ناسها هم زجالين بالفطرة ولكن ما عندهم وعي باهمية الانتقال الى الكتابة ومن هنا كتجي اهمية هاد الصوت تم ان الزجالات اللي كيكتبوا بحرقة و بجودة هما قلال وبزاف انا شخصيا كنتسنى الكثير من فاطمة الزهرا كننتظر منها ابداعات اخرى مشرقة تنور هاد المنتدى .

عدد المساهمات : 560 تاريخ التسجيل : 25/07/2010

نص بالفعل كما قال صديقي حفيظ اللمتوني حالم ببهاءه يعلن عن ميلاد زجالة فاطمة الزهراء الربع التي دخلت الساحة الزجلية بثقة عالية لتشاركنا هذا السفر الشاق والشيق.
سبق أن قرأت للزجالة متنا بعنوان " مغازل الليل " نشره أحد المعجبين بصوتها وهو الزجال أحمد السبتي وقد عبرت عن إعجابي بهذه التجربة الزجلية الواعدة وعلقت عليها مرحبا ومقدرا .

الزجالة فاطمة الزهراء الربع هديتك هي اعتراف بمن أخذ بيدك وهذا إن دل على شيء فهو يدل على سمو أخلاقك.
باعترافك بالجميل تؤكدين أنك تسيرين على الطريق الصحيح ...
معنى ذلك أنك واعية برسالتك الزجلية... ونك تقدرين المسؤولية الفنية ...وأن بدون الأخر يصعب السفر ..

الإبداع عموما مُثُل عليا وقيم جمالية سامية ...

أتمنى لك كل التألق .
ولك مني شاسع التقدير مع تحياتي الوارفة.

عدد المساهمات : 80 تاريخ التسجيل : 03/10/2010

نكربل تراب لعمر
بمحارث سكتها الصفا
من كربة لوصال يروى
تسنبل ايامي
تتمايل ف لعلالي مجرده
تعنقك يا مكتابي
حشمانه بخدود مورده
من خيوط السحاب ننسج له
فراش جديد
ف حجر السما نسبع له
الشمس تزغرت و تزيد
يرضع من بزولة لقمره
يخاوي النجوم
يكبر ف احضان لكون
لفرح ف دخاله موشوم
,,,,,,,,,,,,,
الأخت
فاطمة الزهراء الربع
يكفي هذا المقطع للتدليل على أنك صوت قادم بجد وللتأكيد على ما ذهب إليه الزجالان الكبيران حفيظ اللمتوني ودريس المسناوي اتمنى أن أعود لمحاولاتك القادمة بكثير من الدقة أنتظر منك المزيد من الإشتغال,
مودتي

Admin عدد المساهمات : 298 تاريخ التسجيل : 08/04/2010

مرحبا بك عزيزتي في بيتك الزجلي
استمتعت هنا بزجليتك ، بريق من اجمل المعاني والصور الشعرية المعبرة
دمت على ابداع دائم عزيزتي، لك كل المحبة

مليكة امصاض

» خليني جنبك خليني.
» جنون الحرف
» حرف مسناوي....... اهداء لزجالنا امغار المسناوي
» (وجع الحرف )
» الحرف