أنا زعما اللي كنقلب علي ف بحر الابداع

كانت شوفه
تشوفني بخطفة, على حد شوفة العين
تاخدني لعالم "أنا الاخر"..
................
حطيني يا شوفة على حرفي التايه..
ديريني ونيس راسي,
و راسي يتونس بي.
و أنا اللي زعما نقلب علي فبحر الابداع....
نسأل الابداع,
يقول لي: أنا و انت توام
نسأل الرؤيا,
تقول لي:أنا و انت فالاحلام.
نسأل الزجل,
يقول لي:أنا فيك..
انت عايش بي.

أنا المحييك
أنا الساكن فيك,
أنا ليك...
غير أجيني عريس
فسيفة الشارب عقلوا
نكون ليك
هدية..
أجيني فارس
فسيفة الراكب عودوا
نكون سلاحك
سيفك
لجامك
ضميرك
نكون انت الاخر..
النور فيك,
عايش فظلامك
الضو في
وفيك
فحياتك
فمماتك
فنومك
فيقظتك
فخيالك
فاحلامك...
فحياتك الاخرى
فأناك الثانية
ياك من الأول قلت ليك:
أنا و انت توام..
.........
تشوف وجهك فمرايتي ,و أنت راحل
تلقاني فيك
تلقاني فمراية حكايتك
فسرك الكامن في..
هاك شوي من كبدتي
عطيني شوي من مودتك
عطيني شوي من ضوك
نقول: أنا بك كاين
و نكون
طير يمكن طيور
نتشتت محبة فالصدور
تلقاني معك
فكبدة الجيل الجاي
تلقاني حي فكبدة التاريخ
..............

أنا المحييك
أنا الساكن فيك،
أنا ليك...
غير أجيني عريس
فسيفة الشارب عقلوا
نكون ليك
هدية..
أجيني فارس
فسيفة الراكب عودوا
نكون سلاحك
سيفك
لجامك
ضميرك
رائع ما جادت به قريحتك أيها المبدع
حروفك ذهب أكيد غدي تطرز في جوف التاريخ
مودتي التي لا تنتهي

شكرا لك الغالية جدا...و أختي التي لم تلدها لي أمي على ردك الدي يبعث في نوعا من الأمل بعدما أقصيت تماما من المنتدى ..... بالرغم من محاولاتي المستمرة .. و شكي في بعض كتاباتي .. حتى أعطتني عزيمة قوية أنه أصبح لي ايمان بقصائدي و زدت ثقة في نفسي... لا يهمني ان رد أحدهم أم لم يرد فكل يرى بمنظوره الخاص و لكل رأيه الخاص فيما أكتب .. لكن أختي الغالية لن أدخل التاريخ
بل:
نحفر فيه
ننبش على الجثة ديالو
مايهمنيش واش ندخل التاريخ و لا لا .. كتر مللي كايهمني أنني كانساير بلية ولفتها و ادمنت عليها بلا منشعر
مودتي الغالية بشرى

ذاتي لذاتـَـكْ مَصْبـَـاحْ..
نخبع منه شوية ..
و تخبع،
ماجادت بيه لقراح....
إيـه يا مجذوب الذات..
من ذاتك
تلقا حياتك..
كل ما طاح الليل
ف عينيك..
و كل ما زَرْبـَـكْ خـِـيـطْ الصْباح..
............................................
تبارك الله عليك يا عبد لحق شقيق ذاتي ديما..لفوق.. لفوق ...

س.م

شكرا على ما أبدعت أناملك.
مزيدا من الإبداع. عشت للزجل وعاش بك الزجل.
تحياتي وتقبل بصمتي المتواضعة