صهد لمحنه

هبى صهد لمحنه
دلى عروُش دافية
من شجرة لرحام
ومن ﯖايلة السواكن لحنينه
عرش في سما يتسنى
وعرش بين لارض ولفجر
يترجى الرحمه
ورحمه
كزات ﯖديدت عيشورها على عود
لمكحله جمره تكوي لعين الشهبه
مڭطرة من رموشها دمعة دمعة
على مكتوبها لي تاب وما صلى
صهد لمحنه
زاند يتبورد بين كاين ولا ماكين
وبين كاين والكون مهماز العمر مسكون
يتبزق من خيال لمري
وخيل لحمله تسابق لعمر حتى حصل
ملي لقدر حكم
من تحث النڭاب دموع ما صبات
نسول
آوليدي ما شتو وليدي؟
هذا شكون؟
لعود لبرﯖي غريب براني
من السربه يحنحن
راخي جناح لولف لعالي
ولعالي عالم بحالي
لعلو لبراني درني في راسي
مالقيت ليه جهد وجهدي تقاضى صافي
ولد شوك على مو يشالي
عطفت ﻟﺤﯖره
بكيت بالدم على بعد بعادي
وشكون مْسوًّق
واحياني
ﻋﯖر جيب ﺤﯖار يا مي
دارها بي ثاني
على دم وجه تراب وما ورﱠث
فارد جناح لغربة
يطل من شرجم لعله اﻟﻤﯖﺤﯖحه
هاز دقتو ومنين جاتو
خو خواتو يا مي يا حنه
نسال عليه وما نتسول
نحوز لشون لخاوا لعاطفه
مال خويا مالو
ماد يدو يسڭي لخواطر
ما ساخي ولمحنه بيه ماسخات
حال واش من حالي وحالو
نغمس خميسه لمحنه في جمره لعناد
ملي بغات ترحل وفين ترحل
وتخليني فراديه
وفرد لحجل بيه فازت لحياحه
من ديك لكديه خويي قنط دغيه
راغب في تراب الشرفا
وتراب المغرب يلم عظامو
و مغربو ما ودنات باقي
هبات في روحي تنهيده كبات
على لخذ دموع جمره كواتني كية
نسال وما نتسول
وشكون هديك
شجره صبار لوافره خيرها لدنيا
لميا ومنيتها بلسم لجراح
وبالصبر تداوي ودوا من الدفله لحاره
في الحمد الله سامره
ياك لموت منا فينا
كيسان لبرار منها عامره
كيسان حياتي حتى هي عامره
تفرق علينا بين لجبال تنادي
علامن دور عاوتاني
بلا شوار
نت واش زرعتي
واخا شتانا ما صبات
عيشور تاهو داه لواد
نسال وما نتسول
وشكون هدوك
هل وناس لشوار
دايم بالدوام كلها يلغي بلغاه
ولغى لموت ما منو حلال و لا حرام
كالو لعله قتاله لرواح
ههههه
واش نتوما قباضين لرواح
شحال من نجمه ما ڭدها ڭداد
وطاحت
في صحرا أو مدينه
تعلم لمكان
وشحال من نجمه طاحت
لا من سال ولا من سول
شحال قدك تحصي
دم لوجه حاير لمن نودي دية لعمر
هديك ولا هداك
شكون يتساهل
حلاوة تراب تنادي غريب ولا معروف
تهدات لكسدة تلون الروح بجباح
وباح حرفي بلي ضارني
نغمس ضو لمعاني من كانون لمحنه
وضو لمحنة جاب تمامي

عزيزتي الغالية زينب اوليدي

مرحبا بك في هذا البيت الجميل ،و مرحبا بهطولك الجميل
لوحة زجلية جميلة تشع منها اجمل المعاني والصور الشعرية
المعبرة عن الاحساس الدفين اللذي هو ترجمة لعوالم الذات
وعلاقاتها المرتبطة بالواقع اليومي، زمنا و مكانا ،
دام لك الابداع عزيزتي ، فمزيدا من العطاء

مودتي مجذوبة الغيوان
من مجذوبة و عاشقة للغيوان ايضا

اختك مليكة
شكرا لك