طارق أمغار
مرحبا بك أولا
قريت ( قصيدتك )
وعندي عليها بعض الملاحظات نتمنى تتقبلها من واحد حتى هو باقي تايقلب على راسه ف حقل الزجل ، طامح يصبح واحد النهار زجال.
بصراحه ما عمري تجرأت نسمي راسي زجال م النهار بديت نكتب. أدركت من أن هذا المقام كبير علي وتايخصني بزاف باش نوصل له.
وما تانوضعش نفسي أستاذ هنا ولا معلم وخا مارس مهنة التعليم لمدة أربعين عام بالثانوي. أنا هنا جيت باش نتعلم أبجدية الزجل وهذ الشي دفعني من صغري نقرا ونقرا ... وباقي تانقرا و ف كل ما قريت وتانقرا تانكتشف أنني ما تانستحقش نسمي نفسي زجال ولا نسمح لنفسي نكون أستاذ .
قصيدتك قريتها كما سبق لي قريت لك ف موقع آخر ، يعني أنا بكل تواضع متبع تجربتك.
كنت تانتأسف لكونك ما لقيتيش اللي يصارحك وهو تايساعدك وتايدعمك...
ما لقيتيش اللي ينبهك لأخطاءك كن راك ربحت الوقت وكنت مزاحم السربه ، تانقصد سربة فرسان القصيدة . هذ الموقع عامر بهم ، جاوا للمنافسة الشريفة وللإستفاده كذلك.
شوف مثلا تجربة أحمد السبتي، هي تجربة جد متطورة ومتميزه ومع ذلك تايسمي نفسه بالتلميد ، مع أن تكوينه عالي وقصايده كبار....
عزيزي طارق قصيدتك اللي بين يدي كانت تكون جميلة وتاتعكس طموحاتك اللي تانحييك عليها .لو راجعتها .. لو لقيت أذن اللي تنبهك لبعض الأخطاء اللي تانوقعوا فيهم جميعنا دون وعي منا لو تراجعوا هذ الأخطاء قبل ما تقدم على نشر قصيدتك كون ظهرت بوجه آخر .
أنت جميل ولازم قصايدك تكوت بحال جميلة. و غ تكون إنشاء الله قريبا وقريبا جميله.
أنا مثلا باقي تانقرا قصايدي على أصدقائي قبل ما ننشرهم ، تانقراهم عليهم والرعدَه شادني وحلقي تاينشف علي...
نرجعو لقصيدتك
قصيدتك فيها مقاطع جميلة تستحق التشجيع والالتفاته ، نوقفوا مثلا على هذ جوج مقاطع:
سولت راسي مال باسي
واش أنا حمق نجري
ولا ناسي خايفين من نحاسي
واش أنا للحق لا ندري
..................
كيف بين الناس نجري
كيف نلقى سري
كيف ؟ كيف ؟
شوف التركيبه هنا كيف مستاقمه ، واللغة سلسه ، والأفكار موحده.
إلى مشينا للمقاطع الأخرى غ نلقاوها ما كتتجاوبش وما كتستقمش ، نوقفوا ونتأملوا هذ جوج ذ المقاطع :
ولا ملهي بفاسي
واش أنا بنيتي نشري
ولا نخرج من قواسي
.................
.....................
ولكن سري معرفتوش براسي ( هذ الجملة جات ثقيله)
هنا ف هذ المقطعين غاب الزجل وحس الزجل !!
طارق أمغار ، نتمنى تتقبل مروري المتواضع
وتأكد من أن هذا بيتك
والسلام عليك
الرئيسية 
