قصيدة بعنوان رياح الذات

[color=blue]رياح اذات

المريوح الاول: دق المزاج

بين العين ولوذن اربع اصباع
عاشت بضفارهم محاني..


مالك ياجبح تهرست فيك لمعاني
ضاعت ف صحاريك لحروف
شحال قدُّني نعاني..
يارتني نخرج سواقي
ندخل راسي ..
زنقَه بزنقَه يمكن نلقاني
(انا افكر)…
واش انا موجود ف كياني
شحال من ذات ماوتاها عقل
وشحال من عقل مالبستُه ذات
بين العين ولوذن طريق
شاقها السّْمع ولبصر
خسارتها خاويه تصفَّر
نخرج راسي
ندخل اسواقي براح
يامن شاف الحق وقتل الباطل
ياسما(بهاف)
وطريق(بوذان)
ياللابساني ذات
غبار نافضاني
تسرَّب خيط لحرف
تنَج معاني
تقول عليك ماحاس بالهم
غير اللي سكنتُه امحاني.

المريوح الثاني: تبوريدة المزاج
شحال فك يالمزاج من دقه
ياجار المحان ف شعاب العوام
ها لهنا....ها لمــــــــــــــا
ذوب المحان ف بحور اليـــــــام
خليني انام...انام...انام
نجيك عزاب ف غابة الكفوف
طـــــــــالب ضيف الحروفــ
نسرج عود امزاجي...
الجمو ب حلامــــــــي..
نجري محارك خيالي
طاخ.....طرطلاّخ...
هاتبوريدت السطور...
كلمـــــــــه ...ب كلــــــــــمه
يحمل واد المـــــعنى
والعقل مراية مولاه
اللي ماشاف حالته فيه
العقوبه ل قفــــــــــــــاه
اه منك يا دقه...يا طلقه
يالمقيداني ب عيون الليل
ووذان النـــــــــهار..
الوشماني نقطة بين السطور
نقلب عليا واش نكون...
ولا شبيه البــــا...ف النون
مغطيه الوديان...
وموسداها البحـور.

المريوح الثالت : عين العقل

ونا فايق شفت ف فياقي
خير وسلام
الحاضر غادي اللور
والماضي راجع القدام...القدام
شفت الوقت سحابه شربت البحر
وقابلت الارض...
وتقول: وحق فصول الربيع اللي جمعتنا
ما ف جوفي قطره د الما
ونا صاحي شفتني ...
جاي من ثلت ظلمات
ننقب ف كف التاريخ
واش نكون ف الزمان
ولاّ هي كدبة تسعة شهور
ع المكان...؟
نطلع..التحت...التحت
نهبط..الفوق...الفوق
نغرق...ونزيد نغرق
ننبش نحفر...نطير نفرفر...
نذوب ف التاريخ الباقي م العمر
ياك هي عين وحلمتني
يالاِّه بيا نكون قطره ف بحر السؤال
نمســـح ع العقول غشاوة المحال
.
الريوح الرابع: ظل الذات

نسقسي عليا فيك..
وعليك فيا...
نجبدني م الماضي المهزوم فيك وفيا
نتشبت ب خيوط المستقبل
لْكَحْلَ بالنور عينيا
يضيع من قدامي الطريق
وكِّبل الزمان يديا...
يدور لهروب ف الراس
ماصعَبْ هجرانك ليا
يالساكنه العقل كِفْ البليَه
خليَْ الوقت يطيح
مايحكمني مايقيدك
مايغزل ميعاد بيني وبينك
نجيك على غفلَه م ليلَه
وانت باسطه على جناح الريح
سوالفك الطـــويله..
نسرح احلامي ف عينيك
ونغني لِكْ يا لا لا... يالاليا..
بتاسمي يادنيا.



___________________التلميذ احمد السبتي_______________________
( كتبت هذه القصيدة سنة2010 قصيدة حيت ثم تعديل وتنقيح المريوح الرابع والتاني بين 2010/2011 ولا اقول اكتمل انما فاق من سباته اخر شهر8من هذ الصيف وقد شاركت بها في ملتقى زرهون الدورة التامنة دورة تكريم الشاعر المغربي الكبير محمد الاشعري) واشكر كل من الشيخ بابا دريس واخوان اتحاد المبدعين المغاربة والعياشي وبلبالي ورمسيس وشيكي والزاوي و اوموليدو.شوقي وعلي مفتاح والباحت ريون ايسون والام حنون زينب اوليد بحيت كان لهم وقع على اكتمال اوشبه كتمال هذه القصيدة.
والقصيدة مهداة لزوجة الشيخ الذي سخرت لي كل طقوس الراحة وانا في منزلها اناقش خبايا البعد القصائدي والمنهج الفلسفي في بناء ذات القصيدة مع شيخ ولا انسى color]


قصيدة مهداة للام زوجة الشيخ بابا دريس ونفيس وحاتم وامين

العزيز أحمد السبتي
قصيد يحتاج الى وقفات . إستمر في الإشتغال و ستغرد في الأعالي .
الميلودي العياشي