دنوبي

موضوع: دنوبي 2011-06-14, 04:20

على راسي نقول
ونلحّن غوات حريقي
منسول
وْوالو واش تعيقي
ولاش تفيقي
يا لّي قاطعة الواد بالطول
واخده منّي راحتي..
بلاّتي
لاش ماتشفّكش حالتي
خلّيني نطوّل في صلاتي..
نتوب
الموت ما يعلم ياخالتي
مايديكلاري
نتفتيني بلاّتي
نسلتي من عقلي وداتي
عييت نحايل لبلان
نقرى سطر ونميّك على سطور
نفرّش ليها فين تبان
نضوّر صور
لا..براكه
جهدي لاش تدّيه لبحور
تكفيني برّاكه
فيها نحلم بالحور
إيه..شغلي هاداك
ولا نعيش معاك
وتزيدي تغرقيني
نغلبك بالليل..
نمحيك
بدمعي يسيل..
نطفيك
بلا القال ولقيل
ياك كلشي فاني
وشحال مّا طال قليل
وهاني ماني هاني
حتى يرضى مولاي
سيدي كبير سبحانو
سوّلي لي كانو
رحمن رحيم
وها دموعي بانو
يغفرلي..يسمحلي
بالنية نزيد ليه
نقرّب..إيه نتغرّب
ونعيش لهيه..بروحي
نتدرّب..قبل ما يفوت الفوت
ومع القطرات ندوّبك..نخرّْجك
ما نقنطش ونعاود
ربي شاهد
ما نغفل ونزلْ
ولّيت نعقل
ونغسل بالبارد
يقفقف شيطانك
وبسمّو يموت..يدبل
نسجد ونطوّل
يتخبّط ويحصل
وعلاياش يعوّل
مولايا أنا هو الله
سبحانو..لا إله سواه
كيّتْ لي محرّشك
بالغفلة يبنيك
وبالوسواس يرسمك
على لي مجلي يرميك
وهانتي تلالي
ريحتك عاطية من حالي
يا بردي شكون لي بدنوبو بحالي
سترها يا العالي
غفرها يا القادر عليها
سبحانك تبت وانت أرحم الرحيم

موضوع: رد: دنوبي 2011-06-15, 20:11

توسل زجلي بين أنا ولمرايه ...غسلت وجهي ...وصبنت راسي ب راسي ب حرف قياسي ...نعاود لحساب قبل ما نضرب خماسي ف سداسي ....ما تنفع حيله ولا من يواسي.....شكرا السي محمد بوبكر لإشارتك الزجليه العميقه ....دمت بود