ڭَا نَة حْرّانَهْ

ڭا نْتي فْ ذاتي
وْ ذاتي مَنْ ڭا نْتي
وْ إلاَ شَدّيتْ خَيْطْ لْڭانَة
تَتْخَبّلْ خْيوطْ ذاتي

ڭانْةْ ذاتي
وذاتْ ڭانْتي
يا لْوارْدة مَنْ بحورْ سْكاتِي
يا الواشَمة فِيَّ...
مَنْ لَحْلامْ طْريق
بْرِيشْ حْرُوفي نْفَدْفَدْ...
نْحَرَّكْ رْموشْ الصمت

عاري عليك و يا لالة
دخليني لْعَرْفَةْ لكلام
نْهَدّْ غْيومْ...هِيَّ ف دواخلك
سَرّْحِي جناح السْلامْ

بغيت نصالحك يا ذاتي
واش نجيك...خْيَالْ
عْلَى مْطِيْةْ لْحَلْمَة؟
وْ لَّا نْجيكْ...غاشي
شْعا فْ الظَّلْمَة؟

واش نجيك...شَرْقَة
على نْسيمْ لَڭمْرة؟
وْ لاَّ نْجيكْ بلامي
معكز و داوي
نهرب منك لك بالحكمة؟

عاري عليك يا لالة
سَرجي كلامي لٍكْ
فِيَّ دَكِّي وْثاقْ لمعنى

بغيت نصالحك يا ذاتي ...
واش نجيك مْحَرَّفْ بْ هْبال لْحال...
حالي هبال...و هبالي احوال
شكون يْشْرَبْني... وْنْشَرْبُهْ هْبَالْ
و يْبَدَّلْ احْوالْ الحالْ
وْلّا نْجيك و الخطوة رْجَا لكلامي ...
نرمي عليك... عار مدادي

عاري عليك و يا لالة
دخليني لسوق لفهامة
يُوْرَدْ لساني مداد...
و من شلاَّ مطافي....
نجيك هبال صباح
نْسُوّلْ عْلَ كَانْتَكْ
وْ كَانْتي فينْ تْكونْ
الهارْبَة مَنِّي....
بزّزْ مَنّي
وْشامْها فيَّ به مَفْتونْ

بغيت نصالحك يا ذاتي ...
واش نجيك فْ تْبورِدْةْ احْلامِي
ولّا نجيك ب موجي حضرة
نَعْثَرْ فْ جْلايل ڭلْبي... وَفْ رْياحُهْ
نقطف، نعصر لك
من شهد المحبة ...بحور
نغزلها ف دواخلي

ها فْتوحَكْ و يا لَالَّةْ ڭَانْتي
جيتْ نصالحك
رُدِّي السْلامْ
جيت نْسامحكْ
رُدّي لْكْلامْ
امْحِي مَنْ ڭَلبي وْشامكْ فِيَّ
وْها عار الله و يا لالة
جيتك ڭَانَة
عَرْفَة حَرّانَة
تَتْبوردْ فيكْ
ويا ذاتي....

اخي السي محمد مومر تحية طيبة

توقيعك البهي وشهادتك في حق نصي المتواضع اعتز بها،
دمت محبا للابداع ،
لك مني كل التقدير
مودتي

مبدعنا الجميل السي بنعيسى الحاجي
تحية طيبة وعطرة
توقيعك القيم والبهي اضفى بهاء بين سطوري المتواضعة،
اغتباطي اكثرزاد بتواجدك بيننا في منتدى الزجل المغربي
هذا دليل عشقك للكلمة الجميلة والهادفة ،
شكرا لك اخي السي بنعيسى
تحياتي الخالصة

عزيزتي زينب تحية صادقة

الشرف لي بمرورك من نافذتي وارسال بريق حرفك
على كلماتي المتواضعة ،
عزيزتي ليس هناك اي تباعد بل انا اتابع كل الابداعات،
فعدم حضوري بينكم لاسباب خارجة عن ارادتي
دمت وفية للابداع
مودتي
اختك مليكة

اخي الجليل السي سعيد محمودي

تحية طيبة

شكرا على توقيعك البهي ،
مرورك اسعدني و زاد النص بهاء ،
دام لك الود