آسخانة الباردة...بقلم المختار بن دغة...!

نور الشمعة آخفى
تالف بين لمواج الظلام
طحت طيحة.... على عين لكفى
*****
فات في الفوت
حاصل حصلة بين الخيوط العنكبوت
هانتما شاهدين يا خوت
لعقل حار ومواسوا زايدة و تزيد تحفى
*****
بهاذ اللثام
قفلت به غار لكلام
ونخوص بين لمواج التخمام
ولمواج الظلامي زايدة وتزيد تعلى
******
الظلام يسند لية الظلام
ظنيت الشهر آصدق لية فلعام
وقلبي حير سندو ليه عكازالرشام
كالو راه آرجع أعمى
*****
راسي ساكنوا آخيال ....مقطوع لكمام
ظنيتوا قرار هام
يتقدف بين لحجر ..ثالف وسط هاذ لغمام
ولا حالوا قادر يصفى
******
فكدت في الحال ...موحال
وف طريقي هايم ونسال
على طرافي لمنشورة فوق المى
******
حالي مهموم بلحلام
رقدت لكارطة نشوف الفال
وعجاجوا غادية وتزيد تحمى
*******
فين عهد ركباه سحابة تالفة فسمى
******
كيف ما كان هذا هو الحال
طنيتوا ريح السلام
الطعام
لما خلا ما تكال
غدروا به قبل العام
كمل أنتى......
راه ما أبقى لية ما يتحكى