الراجَلْ الشُجاعْ

فاضَتْ لَقْلامْ

بْلَمْداد ْشَلاّلْ

َناحَتْ الغَرْبانْ

بْجهْرْ لكْلامْ

وانا ْربَطْتْ لْساني

خْيالي مْراقَبْني

وْظَلّي سابقْني

يَلْعبْ مع الشّمْسْ

عْقَارَبْ السّاعَة

ماتَديواْ على كْلاَمي

مَنْ كَثْرةْ خُوفي

دْخَلْتْ بْحَرْ لَمْعاني

خَفْتْ الجَلاّدْ

يَتْقَفّى أَثْري

يَتْقَصّى خَبْري

يَحْفَر ْقَبْري

َونْشَهّدْ بْليسْرى

مين ْ نشوفْ..

خْيالي لاحَقْني

نْڭوْل قَدْري جاني

مْنَعْني من لَكْلام

وْزَيّرْ لْجَامِي

مْنَعْني من لَحْلام

وغْرَقْتْ َفمْنامي

مَنْ كَثْرَةْ شْخيري

تْشَكّى جاري

مَاجاهْ ْنعاْس

وْدَقْ فْداري

حَمّرْتْ فيه حتّى حْمارْ

وْڭَلْتْ ليه

أنا ما نْخافْ مَنْ حَدْ

نْخافْ غِي مَنْ خْيالي



ميمون الغازي