احلى حلمة

يا دموعي
يالساخية بعيوني
ياشموعي
يالحارقة جفوني
يا احزاني
يا همومي
*****
يالغالي بعدما كنت لصفر ساوي
يالساكت في سرك داوي
يالسامع لكلام لاتقول خاوي
يالخليل خليني نكمل كلامي
*****
صغى وسمع
شوف عيني تدمع
شوف شوقي يلدع
وحبي ليك كيف ينبع
****
انت القمرة الضاوية
في ليلي المظلام
انت الجمرة الكاوية
في مجمر الكلام
انت حروف امساوية
في كناش الاحلام
انت اوراق مطوية
وانا حزمة من الاقلام
*****
انت كلمة
احلى حلمة
فليلة ظلمة
*****
الا قلبك ينطق
سوله يحكي بالحق
وصيه علية يشفق
ناره لقلبي تحرق
*****
انا عبدك لرقبتي اعتق
بهواك نتخنق
بسبابك في دموعي نغرق
من غيرك روحي تزهق
*****
نضرب الفال
انت لي فالبال
نشعل المجمر
عليك انظمر
****
نشعل الشموع
نطيح الدموع
نتمنى ليك الرجوع