علاشْ ......

موضوع: علاشْ ...... 2010-11-23, 09:56

علاشْ

عْلاش نشبه ليابس ب لخضر

علاش صورة نجْلِوها فَ صورة ونتَعبو لعقل

علاشْ ماتْواسني ف ضَرْ

علاش درَّكُْ وجهكْ وتجْفلْ

علاش لْمَا ما رْوى شجرْ

علاشْ شْرابو ولا حنْطلْ

علاش صْبرْ تْكَرَّهْ من ْصْبرْ

علاشْ نْزَوْرو نَعْجة ب لَفْحَلْ

علاشْ دودة تنادي ف لَقْبَرْ

علاش انا وانت غافَلْ

علاشْ سؤالْ ولْجوابْ غبَرْ

علاشْ ف لْقَرْجوطة حْصلْ

علاش لقلم إقلب الحق ب لغدر

علاش نْرَّدو لحْدورة جبل

علاش الريح هيج لْمَا(ء) ف لبحر

علاش لبحر صََبغ جلمُود ولاكحل

علاش الليل مزاوكُْ ف لَقْمر

علاش الرايح من الدنيا ما قبل

علاش نْظر ينْكَرْ ما نْظَرْ

علاش لعقَلْ غْفلْ ما عْقلْ

علاش اللسان نْسى ما هضر

علاش الانسان ب هْبالها هبل

علاش ياصاحي تغيَّرْ لمْحبة ب لَمْكَرْ

البعليوي عبد السلام

[i]

موضوع: رد: علاشْ ...... 2010-11-23, 10:27

علاش نشبتيني وخليتيني نهضر
و ما بقى بيني وبين النعاس غير شبر
الله عليك السي عبد السلام ..ما أروعك ما تسطره أناملك السحرية
دمت للزجل وفيا

موضوع: رد: علاشْ ...... 2010-11-23, 18:56

وعلاش يا صاحبي هولتيني ف هاذ الليل
وشطنتي بالي
وخليتيني تنقلب على كلام مواتي وجميل
حرن وما بغى يهدف
جمعت الوقفة ومشيت ف حالي
ــ
تبارك الله عليك يالسي عبد السلام
سأعود بعد قليل
تحيتي لك

موضوع: رد: علاشْ ...... 2010-11-23, 21:45

الزجال البعليوي عبد السلام
لي شرف ان أعود إلى قصيدتك دائما
لك احترامي وتقديري

موضوع: رد: علاشْ ...... 2010-11-25, 05:44

العزيز ع السلام شكرا للاتحاف بالقصيدة وشكرا للوفاء اليها تقبل المرور

موضوع: رد: علاشْ ...... 2010-11-25, 08:10

أخي الشاعر السي عبد السلام البعليوي
هو مستوى النص يملي على الإحساس
ارتداء قميص الارتجال متفاعلا مع صوره الشعرية
الجميلة بكل عشق
ــ
هي 24 علاش
وكيفاش يالسي عبد السلام هاذ 24
ما عرفناش
واش موجهة للفايقين أو للنايمين

وسولتينا عـلاش
واش شفتينا ف العشرة مقصرين
و بغيتي تفتش اوراق الكناش
وتشوفنا واش بين سطورنا ساكنين

و24 علاش

وحنا علاش هنا علاش
واش ما شفناش او ما حسيناش
يمكن
ما شفناش اللي عاشر لحروف
حتى والفها فطمَتـُه وما علمتوش
أو
ما شفناش اللي غمزاتـُه لمواج
عانقها وما رحمتوش

وعلاش
وعلاش وعلاش

راه حتى حنا
بغينا نكتبوا ما لقينا فاش
وبغينا نرسموا ما لقينا باش

موضوع: رد: علاشْ ...... 2010-11-25, 11:14

علاش و علاش
و ماية علاش

ايوا يا استاذي سي عبد السلام أنا ماغاديش نسولك علاش
حتى تجاوب سي بنعيسى الحاجي
و نجي مسرج عاود السؤال
و نلجمه بماية مقال و مقال
حتى نشوفوا اصل علاش

راني نتسناك

موضوع: رد: علاشْ ...... 2010-11-28, 07:45

ابراهيم الرامي كتب:: علاش نشبتيني وخليتيني نهضر
و ما بقى بيني وبين النعاس غير شبر
الله عليك السي عبد السلام ..ما أروعك ما تسطره أناملك السحرية
دمت للزجل وفيا

الاخ الكريم السي ابراهيم الرامي سلام الله عليك

الله إبيتك فراحت الله
مشكور اخي على مرورك البهي

موضوع: رد: علاشْ ...... 2010-11-28, 07:47

محمد بوبكر كتب:: الزجال البعليوي عبد السلام
لي شرف ان أعود إلى قصيدتك دائما
لك احترامي وتقديري

مرحبا بك الاخ الكريم السي محمد بوبكر سلام الله عليك

تحياتي لك يا أخي ولمرورك

موضوع: رد: علاشْ ...... 2010-11-28, 07:49

عبدالاله الخديري كتب:: العزيز ع السلام شكرا للاتحاف بالقصيدة وشكرا للوفاء اليها تقبل المرور

الاخ الفاضل السي عبدالاله الخديري سلام الله عليك

اخي الكريم لك كل الشكر على مرورك

موضوع: رد: علاشْ ...... 2010-11-28, 08:09

الاخ السي بنعيسى والاخ السي عمر اولا
ا اهذي إليكم هذه الكلمات

( شيطان رجمناه وعثر وتْكَوَّرْ
ولقلوبْ صفات ولْماَ صفى كيف ابغيناه
إبليسْ ماعاد بين لحْبابْ إدوَّرْ
بنَعْلة وعقَلْ حكيمْ ودرْناهْ والحمد لله )
**************

ونرجع الموضوع الاخ السي بنعيسى علاش

أخي الشاعر السي عبد السلام البعليوي
هو مستوى النص يملي على الإحساس
ارتداء قميص الارتجال متفاعلا مع صوره الشعرية
الجميلة بكل عشق
ــ
هي 24 علاش
سوايع من سوايع الله
وكيفاش يالسي عبد السلام هاذ 24
دورات الفلك وكيف اعطاه
ما عرفناش
واش موجهة للفايقين أو للنايمين
لي ساق وباق ولي فاق ولي باقي إنين
وسولتينا عـلاش
ابغينا المحبة تدوم وتنبت لعراش
واش شفتينا ف العشرة مقصرين
حشى بكم اكتافنا مسخنين
و بغيتي تفتش اوراق الكناش
انا عارف عل لوراق ماغابت لرماش
وتشوفنا واش بين سطورنا ساكنين
انتما عايقين وبالحرف فايقين
و24 علاش
تعني 24 ساعة تتفتاش
وحنا علاش هنا علاش
انبدع الحرف ونزينو لفراش
واش ما شفناش او ما حسيناش
حسيت وحسيتو ولي مافهمنا ماكاين لاش
يمكن
ما شفناش اللي عاشر لحروف
شفناه وزكيناه ونْظر شْوف
حتى والفها فطمَتـُه وما علمتوش
لي ما فطمته صرفو مغشوش
أو
ما شفناش اللي غمزاتـُه لمواج
الحرف عل الحرف نوصلو لدراج
عانقها وما رحمتوش
الدوا إداوي ولي ما دوى ما يبراش
وعلاش
وعلاش وعلاش
لي سولتي في ايامو إكًُول اعلاش
راه حتى حنا
وعلاش انا هنا
بغينا نكتبوا ما لقينا فاش
دبَبْ ليام وحلي لي ما يحلاش
وبغينا نرسموا ما لقينا باش
هذا علاش علاش[

موضوع: رد: علاشْ ...... 2010-11-28, 08:13

علي مفتاح كتب:: علاش و علاش
و ماية علاش

ايوا يا استاذي سي عبد السلام أنا ماغاديش نسولك علاش
حتى تجاوب سي بنعيسى الحاجي
و نجي مسرج عاود السؤال
و نلجمه بماية مقال و مقال
حتى نشوفوا اصل علاش

راني نتسناك

مرحبا الاخ علي مفتاح احنا في انتظارك نستفيد وعلاش لا
ونخلو علاش هاذ الشؤال حير عدد ديال الناس والجواب لحد الان مالقيناه ولافهناه

تحياتي

موضوع: رد: علاشْ ...... 2010-11-29, 09:09

علاش..
قصيدة تتوخى الإجابة عن عدة أسئلة مشروعة في زمن إنقلبت فيه مفاهيم عدة أيضا وصار الإنسان تائها في زمن التيه بلا إرادة بلا رؤى واضحة لما يتوخاه من حياة صارت هي أيضا دوامة من المعاناة لا يقدر على كبح جماحها أحد فجاءت قصيدة علاش لطرح هذا السؤال الذي يستعصي علينا الإجابة عنه لأننا لسنا واضحين مع أنفسينا و مع الأخر.
.........................
أستاذي العزيز عبد السلام البوعليوي...دمت شاعرا زجلا يعرف كيف يطرح هما أنساني في بوتقة حرف رصين الحبك و رصين التجربة.

موضوع: رد: علاشْ ...... 2010-11-30, 08:01

البعليوي عبد السلام كتب:: علاشْ

عْلاش نشبه ليابس ب لخضر

علاش صورة نجْلِوها فَ صورة ونتَعبو لعقل

علاشْ ماتْواسني ف ضَرْ

علاش درَّكُْ وجهكْ وتجْفلْ

علاش لْمَا ما رْوى شجرْ

علاشْ شْرابو ولا حنْطلْ

علاش صْبرْ تْكَرَّهْ من ْصْبرْ

علاشْ نْزَوْرو نَعْجة ب لَفْحَلْ

علاشْ دودة تنادي ف لَقْبَرْ

علاش انا وانت غافَلْ

علاشْ سؤالْ ولْجوابْ غبَرْ

علاشْ ف لْقَرْجوطة حْصلْ

علاش لقلم إقلب الحق ب لغدر

علاش نْرَّدو لحْدورة جبل

علاش الريح هيج لْمَا(ء) ف لبحر

علاش لبحر صََبغ جلمُود ولاكحل

علاش الليل مزاوكُْ ف لَقْمر

علاش الرايح من الدنيا ما قبل

علاش نْظر ينْكَرْ ما نْظَرْ

علاش لعقَلْ غْفلْ ما عْقلْ

علاش اللسان نْسى ما هضر

علاش الانسان ب هْبالها هبل

علاش ياصاحي تغيَّرْ لمْحبة ب لَمْكَرْ

البعليوي عبد السلام[/

size]
[i]

[size=24][size=24]سدي عبد السلام لهلا يهولك بكترت السؤال
....................................
كشتي ســـــــــــؤال
يلوح لســـــــــــؤال
يتعددو سناسل وقفال
اللي عندي جوابــــو
واللي شبيه الموحال
او المفتولين حبـــال
ويبق يسال الســؤال
..................
دمت بالف خيـر
مودتي الخالصة
[/
size]

موضوع: رد: علاشْ ...... 2010-11-30, 11:20

السي عبد السلام منبع لكلام

علاش صورة نجْلِوها فَ صورة ونتَعبو لعقل

24 عـلاش، تعبت عقلي
واش من جهلي؟
ولاّ صورة ف صورة..
وبينهم انا مجلي

شكرا لك اخي عبد السلام
مررت وتمتعت