حسبت ذنوبي نزلت دموعي ...

حسبت ذنوبي
نزلت دموعي


حطيت راسي لمسند
ﯖلت نرتاح و نرﯖد
تكيت سرت نشهد
ﯖلت نبات ما نصبح
تصفحت كتابي يا العالي
ما لقيت ما يفرح
ميزاني ما مساوي
الـﯖلب خاب و تجرح
لافعل زين غير داوي
في هذ الدنيا نمرح
مغرور تابع هبالي
عايش جايل سايح
فتني هذ العالم الفاني
نتخيل راسي ناجح
هاز جنوي في يدي
في راسي دابح
لا من ينور طريقي
باش ﯖلبي يتشرح
حرت في حالي
تغيرت حوالي
سؤال عل نفس تطرح
آش نـﯖول
آش نـﯖول يوم ملقاك يا العالي ؟
لمن نوضح و نشرح
آش درت في طول أيامي
كنت في راسي نمدح
حسبت ذنوبي نزلت دموعي
شحال ﯖدني في عيني نمسح
كنت تايه في دروبي
ما لقيت صديق مومن ينصح
لي رافقتهم زاد في عيوبي
شكون لأمري يصلح
كثر وسخي لا من ينصحني
خلوني في دنوبي نسبح
مشا ليلي جا نهاري
بدات الصورة توضح
لله يا العالي لا تاخدني
مهلني لصلاة الصبح
نركع نبكي في سجودي
نترجاك ليا تسمح
في قرآنك نلقى وجودي
بنهار وليل ليك نسبح