هْمُوم القلب

هْمُوم القلب  

 حَمْلك تْقيلْ ياقلبي!..
 تواضُعكْ للدَّاخْلينْ والخارجين  
جعْلكْ بوَّاب بلا باب.. 

***
تْعجَّبْتْ لْ دوكْ السَّاكْنينْ 
 يداعب جفونهم النوم
ونتا سهران الليل 
تْحَمَّلْ و تْراري ..
صْبَحْتي عْلى خَّرْ يَّامكْ  
أُمْ دْراري  

***
غْطآكْ نارْ و فْراشْكْ نار ...  
طْريقكْ نورْ
لونكْ من دمَّك  يفضحْ الأسرار
الفَخْرْ ليك ياقلبي 
وجْهكْ دائما حْمرْ..  

***
 عاض فْ اللحم الحي 
وتمْسحْ جَرْحَكْ بْ دمع العين
ما تنافق  
ما تكذب
فيك الحب
فيك الكره
فيك الأمل  
فيك اليأس ...
و من كل لون شربتي كاس
 نَغْمات هاذ الأحاسيس و لْوانها
شاعلة فيك شمعة الحياة..
حاملْ عْلى كتْفكْ ثْقلْ اللذات 
نافر من الممات
مرة تسعد ب ْحَمْلك
وخَّا تتعب
عجيب  نتا ياهاذ القلب !  

***
كيف صبحتي وعاء
يجمع كل هاذ الأدواء
والأهواء...
مشاعر متناقضة
لكنها تتعايش ف نفس الفضاء  ؟

*****
مسكين نتا ياهاذ القلب !
تَّفْرضْ عليك صبر
لكن واش تقدر؟
صبحتي مرة تحلم مع الحالمين
ومرة تتألم
مرة طَّل بْ وجهكْ حمرْ
ومرة تتنكر
ولمن تدير الخاطر؟
رتاح   ياقلبي ,رتاح 
الله  يجْعَلْشمعة صبر  
قياس مع العمر.