حروف حايلة...

موضوع: حروف حايلة... 2010-10-11, 22:26

حْرُوفْ حَايْلَة

سْمَعْتْ بْعَيْنِيَّ
وْشَمِّيتْ بَلْسَانِي
وْدْوِيتْ بْوَدْنِي
وْگَلْتْ لَخْيَالِي :

اجْمَعْ الوَگْفَة
فَاقْ ارْگَادُ مَنْ نْعَاسُ
وَتْمَدَّدْ عْلَى شْرُوقْ اللِّيلْ
فَغْرُوبْ الشَّمْسْ
غْسَلْ وْجَهُ
بْرِيحْ حْرَامِيَّة
وْسَلَّمْ فَخْرُوجُ
عْلَى صْدَاعْ الغَوْتْ
وَدُخَّانْ التْبَرْگِيگْ
سْمَعْتْ
وَشَمِّيتْ
وَدْوِيتْ
وَگَلْتْ..
"آشْ فْهَمْتُوا مَنْ هَادْ لَكْلاَمْ ..."

*************
حْرُوفْ صَايْلَة
بَالمْعْنَى مَايْلَة
مَكْتُوبَة سْطُورْ
حْرُوفْ حَايْلَة
بْلَمْدَادْ سَايْلَة
جَاوِي وْبْخُورْ ...

**************
أَنَا فَكْلاَمَكْ
تَايْهْ حَيْرَانْ
نْقَلَّبْ عْلَى مْعَانِيكْ
عَطْشَانْ
حَطِّيتْ سْلاَمِي
بِينْ كَفِّي وَالْلسَانْ
فْدْرُوبْ الحَرْفْ
رَانِي عَاشَقْ وَلْهَانْ

**************
وَمْشِيتْ بَكْفُوفْ يِدِّي
نْسَلَّمْ بَگْدَامِي عَفْطَاتْ
شْكُونْ گَالْ
شْكُونْ يَشْرِي
هَادْ التّْمَرْ لَمْسَوَسّْ
مَنِّي
حْلاَوَةُ فْگَاعْ ضْرَاسِي
نَخْلَة ...
ضَحْكَتْ التّْبُورِيشَة
عْلَى رْوَاحْ مَجْهُولْ
بْعَضَّانْ السّْلاَم ْ
وْمْشَاتْ بِينِي صَوْتِي
كُحْبَة وَعْطِيسْ
وَمْشَاورْ حْزِينَة
مَاسْحَة هْمُومْ شَلاَّ ...

************
يْرُوبْ لَعْدَابْ
بِشُوقْ المَكْتَابْ
يَاكْ الزّْمَانْ يْدُورْ
العُگْدَة سْبَابْ
بِخْيُوطْ الصّْحَابْ
سْنِينْ وَشْهُورْ

****************
عَافِينِي
" يَامُولْ هَادْ لَكْلاَمْ"
غَيَّرْتِي بَالِي فِبْحُورْ
لَحْلاَمْ
لاَ أَنَا دْوِيتْ فِيُومِي
صْيَامْ
وَلاَ انَا سْمَعْتْ فِفْطُورِي
انْغَامْ ...

**************
غَزَّاتْ فِيَّ
هَادْ الدَّمْعَة
مْشَاتْ بْلاَ رَجْعَة
وَسْرَحْتْ نْزَاوَگْ فِالنَّمْلَة
وَالنَّمْلَة
وَلاَّتْ نَحْلَة
وَالنَّحْلَة
وَلاَّتْ صَوْتْ
مَنْ دِيكْ الشَّهْدَة
مَحَلاَهْ رِيقْ
فدْخَالِي حْرِيقْ
فَاقْ
فَيِّقْ
فَاقْتْ النَّمْلَة
لْگِيتْ رَاسِي فالحَمْلَة
مْدَفَّگْ
سَايَلْ
بِينْ صْبَرْهَا
وبِينْ صَبْرِي
وبِينَاتْنَا سَرّْ
الَى گَلْتُ مَا بْقَى
للسَّرْ
مَا يْعَاوَدْ ...

****************
مَكْتُوبْ الدَّنْيَا
عَثْرَاتْ النِّيَّة
حْرُوفْ هَادْ السّْطُورْ
تَحْلاَ الكِيَّة
فايَّامْ مَنْسِيَّة
قَاطْعَة لَبْحُورْ

*******************
نَكْتَبْ مَنْ كْلاَمِي
لْوَاحْ
نَقْرَاهَا فَاللّْيَالِي وَطْلُوعْ
الصّْبَاحْ
الَى كُنْتِ دَاوِي طِيرْ
صَدَّاحْ
الَى سْكَتِّ تَدْوِي يَّامَكْ
جْرَاحْ

*******************
زَاوْگْتْ فرْحِيلْ التَّخْمَامْ
لاَ يَمْشِي فدْوَالَبْ
الحُگْرَة بْلاَ خْبَارْ
لاَ دَاكْ الرّْحِيلْ
كَابْدْ جْرُوحْ
تْخْمَامِي
وَلاَ دِيكْ الحُگْرَة
دَّاتْ وَجَابَتْ خْبَارْ
وَلاَ انْتَ يَا السَّامَعْنِي
مَا زَاوَگْتِ
مَا كَابْدْتِ
مَا گَلْتِ لْدَاكْ الرّْحِيلْ
بَرْكْ
الضّْيافَة ثَلْتْ ايَّامْ
فْزَاوْيَةْ التَّخْمَامْ
هَا عَارْ الله
زَاوْگُوا
كَابْدُوا
وَگُولُوا
لَرْحِيلْ تْخْمَامِي
يَبْرَكْ
فِضْيَافْتْكُمْ
رَاكُمْ مَنْ الدّْيُورْ لَكْبَارْ ...

*****************
يْفُوتْ لِّلي يْفُوتْ وْلاَ تْگُولُ رَانِي مَشْمُوتْ
وَالخَفَّة مَا تْنَقَّزْ الصُّورْ

فِينْ يْعُومْ الحُوتْ
فِينْ بْنَادَمْ يْمُوتْ
وَالخِيرْ العَزّْ مَا يْبُورْ

******************
رْوَاحِي سَلْبَة
مَا يْگَدْ يْرُوحْ
وَلْعْمُرْ شَمْعَة
بِالسَّرْ تْبُوحْ
الدَّنْيَا دَرْجَاتْ
مْخَلّْفَة وَسْطُوحْ
وَالبَالْ غََيْمَة
سَاكَنْ الرُّوحْ
*****************

مْرَايْتِي هْبِيلَة
لاَمَتْنِي فْصُورْتِي
مَا لَمْتْهَا
هِيَّ واگْفَة
وَأنَا غَادِي
شَدُّونِي
رْمِيوْا العَارْ عْلِيَّ
شَدُّوا غِيرْ خْيَالِي
يْبَرْگَمْ
فْمْرَايَةْ صُورْتِي
بِحْدِيثْ
يَغْمَسْ فَدْوَايْتِي
رْمُوشِي اقْلاَم ْ
مَا تْلاَمْ
سَاعَةْ الكَتْبَة
حْرُوفْ اكْبَارْ ...

*******************
بِسْمِ اللهْ بْدِيتْ
وَنْگُولْ عَادْ بْدِيتْ
نْشُوفْ لَكْلاَمْ نُورْ
شحال انَا عَدِّيتْ
حْرُوفِي وَبْكِيتْ
وَشَمِّيتْ مَنْهَا عْطُورْ …
*******************

حْظِيتْ غَرْسِي
مَنْ رِيحْ الشُّوفَة
وَرْبَطْتْ جْلاَيَلْ
الرِّيحْ بِشُوفَةْ
وَمْشِيتْ نَسْقِي
لَوْرَاقْ الَمَلْفُوفَة
وَكْبِّيتْ سْلاَمِي
يْطُوفْ طُوفَة ...
******************

حَدِّي هْنَا
رَانِي عِيتْ
سَامْحُوا هَادْ الرّْحَا
لِّلي طْحَنْ حْرُوفِي
فْهَادْ لَقْصِيدَة
مْعَانِي مْسَامَحَة
رِيقْ جُوفِي
مَا گَلْتْ
مَنْ كْلاَمْ
حَسْبُوهْ خْرَافَة
وْلاَ مَعْقُولْ
عُمُّرْ ظَنِّي مَا خَابْ
وَلاَ يْخِيبْ فْمْسَامَعْكُمْ
بِخَيْرُ
فِمْعَانِيهْ
بْشَارْ .

زائر

CHER MOUHAMED MOUMER

JE SUIS VRAIMENT TRES HONOREE D'ETRE LA PREMIERE A PASSER ATRAVERS CE POEME

MOI AUSSI J'AI TELLEMENT VU MAIS CE POEME M'A FAIS OUBLIER CE QUE J'AI DEJA PU VOIR COMME BEAUTE

MOI AUSSI J'AI DEJA DIS DES CHOSES MAIS JAMAIS JE NE POURRAI AUTANT DIRE QUE POUR CE POEME QUI M'A LAISSE ESSOUFLER DEVANT LA RICHESSE DE SA SIGNIFICATION

MERCI SIMOUHAMED POUR CETTE MERVEILLE JE SUIS VRAIMENT TRES EMUE, ET JE PEUX TE DIRE QUE TES ECRITS NOUS ONT ENORMEMENT MANQUE

TON AMIE DE PLUME

KADI TOURIA

موضوع: رد: حروف حايلة... 2010-10-13, 22:30

الزجال محمد مومر

يعود بلبل الشاوية "جامع الوقفة"
ليعيد للحرف معناه
أقول هالته
متن زجلي فيه عمق رؤية
انتصر فيها سي محمد لحرفه
همنا المشترك
مخاضنا اليومي والليلي
نعم الليلي
شكرا سي محمد لعودتك ولعودة حرفك إلى الموقع

ادريس أمغار مسناوي
تيفلت 13 / 10 /2010 م

زائر

هنا وجدت زجلية
ذات رؤىً جديدة
ترفع المعاني على قانون الجاذبية
أستاذ / مومر

رائع أيها الوارف

دمتَ نبراساً
لي عودة

زائر

تحياتي للمبدع سي محمد مومر

عدد المساهمات : 47 تاريخ التسجيل : 14/09/2012

نص وارف الجمال،ثري الرؤى،إرتشفنا ندى كنهه المعتق بترنيمة الوجود،وقعتها لحظة حلول خاصة بين الأنا والذات المبدعة..حس قوي يعبر بنا نحو أروقة الروح الواهبة،العازفة على وترالمعنى المخلخل الضارب في العمق و السؤال..حرف ينم عن ذائقة عالية و دربة تليق بأهداف الكتابة الزجلية..
هنيئا لنا بهذا اليراع الرصين الخطى،التابث الحضور و المالك لفن القول و سحر المحكي..
نص يدعونا للعودة إلى أحضان معانيه و يغرينا بالوقوف مرات عدة لسبر خبايا تميزه و جماله..أكيد سيتحقق هذا اللقاء.
شكرا لما أهديتنا من متعة الزجال الشاعر سي محمد
مومر،لكم نرجو دوام التحليق في دنيا الكلمة الزجلية السامقة.

دمتم للعمق..

بالغ تقديري

حسنة أولهاشمي

موضوع: حروف حايلة 2013-04-14, 00:49

المبدع محمد مومر
حروف حايلة نبْتَتْ هادْ العام
زْهرها فاحْ وطلا لمكانْ
لإبداعك نكهة خاصة تضيء اللغة الأصيلة وتتراقص الصور الفريدة وتنبع الأحاسيسْ الكامنة في ثنايا
طيبوبتك المعهودة . نص يحتاج الى قراءة تحليلية تكشف عن مكامن فتنته .
الميلودي العياشي