دور بيها يالشيباني...

صبغ راسو
و مضى لسانو بضراسو
لبس لباس ضيق
ولا مفضوح بين ناسو
شرب كاسو
و زاد عليه
فات قياسو
بدل الضحكة 
بدل المشية
بدل السمية
بدل للهضرة حتى هي
فرق مراتو
و تبع وحدة فعمر بناتو
فحفاري الظلام طيحاتو
كيف القرد رداتو
بين قرعة و كاس شطحاتو
من دراهمو جرداتو
و بالظهر عطاتو
خلاتو
كيفما خلات قومان
فحياتهم ماتو
بقى فالظلمة تالف
حفى لسانو
و تكمش بين سنانو
تقطع لباسو
وطارت الصباغة من راسو
وهجراتو الضحكة
وخانتو المشية 
وما بقاتش عندو السمية
موتو كيف حياتو فهاذ الدنيا

عبد العزيز سرحاني كتب:

الصديق الوفي 

مرحبا بك أخا عزيزا 

بالمنتدى

ننتظر منك المزيد

دمت وفيا.

مشكور أخي على المرور ، شرف لي أن أنضم إلى أسرتكم المبدعة