راك عارف

[rtl]
راك عارف باللي حنا واحد 
وانت ديما تكول جوج 
و ما قديت انا نفرق الواحد 
...
صليت فعتبة الرجا 
جوج .. جوج 
ركعة ليك .. وركعة ليَّه
ودعيت فالسجدة 
با ش نبقاو واحد 
...
كتبت فالكلام كثير 
وما كتبت بحالك 
انت قصيدة
مزالة ما لقاتني بين الحروف 
... 
نكتب حتى نعي 
وما نلق بحالك فالحروف 
انت حرف شافتو الكلمة 
وما كفهاش الشوف 
...
راك عارف باللي انت 
نور ماشي كِ لَنْوَارْ
ضويت كاع القصايد 
ما طفاك كسوف 
...
وبقيت انا مع صلاتي 
نقراك فكل وقت 
نسبح ونبوح باش نبقاو واحد 
عبدالعالي الوالي 2013/12/06[/rtl]

[rtl]                      [/rtl]