حسبت حسبة للزمان

موضوع: حسبت حسبة للزمان 2013-12-29, 05:24

حسبت حسبة للزمان/ السبت 28 دجنبر 2013

حسبت حسبة للزمان

وليت نحسب ألف حساب وحساب
وليت نحط اللومة بلا سباب
وليت نخطو الخطوة بلا قدام
وليت نهدر بلا تخمام
وليت نكمكم نبحت على الجواب
كلشي ولى يبان ليا عقبات
ملقيت لا طريق لا دواز
حسبت حسبة للزمان
لقيت حسابي ميت عيان
هارب من راسوا
خايف عارف عيبوا
تكوى شحال ديال الكيات
جاوبني بالكتمان
خلاني نشرد ونتيه
حتى لقيت راسي وسط النسيان
حسبت حسبة للزمان
لقيت حسابي ميت عيان
ظنيتو ف لحظة وقف
وبلي الدنيا فنات
بغيت غير ننطق ولا نتكلم
يتلعثم لساني مايخرج كلام
ما يقدر يعبر ولا يوصل سلام
الجواب رجع سؤال
ولى يدق عليا الباب
يململني يحركني يفيقني
بضربة بكلمة ويكول
الزمان غادي
وانت كتحاسبي
اعتارفي بلي تقهرتي
وتغلبتي

بقلم رشيدة قباب

موضوع: رد: حسبت حسبة للزمان 2013-12-29, 20:16

الكريمة رشيدة قباب :
ما تغلبتي ما تقهرتي ...حْنا ليك حْبابْ غيرْ زيدي فْ التقلابْ علْ لكلام الزَّين الحامل المعنى والصورة الشعرية الجميلة .
سنبقى ننتظر جديدك .
الميلودي العياشي[/size]

موضوع: رد ; حسبت حسبة للزمان 2014-01-01, 04:41

أستاذنا الكريم وزجالنا القدير الميلودي العياشي

أشكرك أستاذي الفاضل على ملاحظتك و توجيهك أنا تلميذتكم ما زلت أتعلم منكم وسأظل أجتهد وأبحت على زين الكلام ومعنى الحرف لكي أكون فى مستوى أحسن .

كما أتوجه بالشكر إلى إدارة هذا المنتدى الرائع التي سمحت لنا بالمساهمة وتصفح قصائد كبارالزجالين.

أشكرك مرة أخرى أستاذي وتقبل مني أسمى عبارات المودة والاحترام والتقدير.

موضوع: رد: حسبت حسبة للزمان 2014-01-20, 21:38

الزمان إيحنت ويغلب
كل من قال أنا السبع
خلاه يبكي وينذب
زجلية ذات معنى ومبنى ، تابعي أختي الكريمة أتمنى لك التوفيق.

موضوع: رد: حسبت حسبة للزمان 2014-01-31, 10:38

الغالية فتيحة الدرابي

شكرا أختي الكريمة لمرورك الطيب ولتشجيعك لي مع تحياتي