الغيوان
بسم الله باش نفتح ويجود الغاني / والصلاة عل النبي العربي بالحق هداه
الرحمة مكتوبة كونك هاني / والغفار كفوف التوبة بالوعد واصلاه
المليح فقلبو عايش ديما هاني / والراشي الهم والتخمام ياك جلاه
الغيوان فالقلب ساكن رشاني / بحور الخاوة والهمال زيداه
ننظم ونكول ما يعي به لساني / بلغني د الكلام زين مقامو محلاه
مجامر كادية او كيسان فصواني / الدقة على البندير بالايقاع مساوياه
الرزة فايضة بالكبة والراس يكاني / والمازن على لشكال كلها ومولاه
متني ومثلت ام لالة حياني / رباعي وسداسي والنوبة جاياه
مالين الحال كاملة والراوة عشراني / تنشد وتكول كلها باش سخاه الله
زريعة دايمة د الكول راه بلاني / نتيه فبحورو والكانة تابعاه
هذا حالي وحروفو مكتوبة / بطيف البلاد فين حط غناه
هزار مولف والنشدة محبوبة / توب ميصل بالرشكة وتاه
كسان الغرام بالخاطر مكبوبة / تسقي الراوي والعشاق معاه
لرسام مقام غي فاش جات النوبة / حديث او مغزل والنظم لاشك دواه
الغيوان جاني كطلوع الصابة / خضر جناني بالنظرة بهاه
زرعتو وجمار القلب لهابة / طف نيران الشوق ورواه
زهر زهير كوحوش الغابة / تلف خوف المغبون وداه
عيط عيطة والنغمة عدابة / الكية والجرح البالي كلشي حياه
من بعد الحرث والنقش المزيان / زرع كلمات الحق والخاطر معاه
فدان او فلاحو زين التكمان / هاك وأر بالكسولة سوّاه
بالنطق والحرف باين الغيوان / غز القلوب والخواطر حتى شي ماخلاه
كلام معطر وافي بالحق ملان / داز على الصغيرة والكبيرة كلشي عرّاه
يهجي ويمدح كلشي مقبول فالميزان / يفرح ويجرح ما يظلم الحق برّاه
كلشي بحقو معروض عل لعيان / تحكم بسرارو وتغني موراه
الالة حياني عل لقلوب الحنان / بالدمعة تكاني خابرة للغاه
د الغيوان اخيي جرتو براني / ما يعرف محنة كلشي ياوعدي بكاه
د الغيوان أو الكلام فيه غاني / نزرع وروى وغنى بفضل مولاه
سايح بين أهلو لونو وجداني / يجري فالدات لعظم دفاه
وليد صغير وانا وحداني / نربيه فالأحضان ونعيش معاه
عبدالعالي الوالي ميسور 2008
الرئيسية 
