أحمد السالمي
عدد المساهمات : 5
تاريخ التسجيل : 19/09/2013
 | | موضوع: رعشة في العاصي... 2013-09-26, 02:38 | |
|
ڭالو: سوريا
ڭلنا: الشام
طَبْعَتْنا خالاتْ مَنْ قْديمْ
تْنَقْشاتْ فْ باحاتْ رْسومْها
قْلادَة مَنْ حَبَّاتْ الرْخامْ
عْناقَدْها تَبْكي بَ الضِّيمْ
خَيَّمْ الضْبابْ حْجَبْ نْجومْها
طاحْ الرْعَدْ وْشَمْها وْشامْ
رابْ الدّمْ حَقْنو بَ الميمْ
سَّوَّكْ لُفّامْ بَ سْمومها
ماقْدَرْ الشامْ عَلْ السْلامْ
كيفْ تَدْوي بَ الجّيمْ
طْلاتو ڭدرَة بَ حْمومْها
ڭالو: الضْبابْ يْلَطَّفْ السْخونَة
ڭلنا: الضْبابْ مَنْ سَعْدْ المَعْفونَة
***************
ڭالو: سوريا
ڭلنا: مَسْكْ الظّاءْ
رَقْبَتْها لْواتْ
فَ تْرابْها تْوَرَّكْ وُتَبْرَكْ
خَصْبَتْها بَ الموتْ والرْقادْ
والموتْ فَ حْواجَبْها تَّلاّتْ
لَمْقوصَة مَنْ شْفارْها تَحْسَكْ
تْنينْ بَ جْذَرْ ما يَسْقيهْ لَمْدادْ
ولَمْدادْ صَيْفو تَّحْصَدْ بَ المَحْراثْ
بَ قْلامْ تْسَبَّحْ بَ الإيمانْ والشَّرْكْ
فَ كْتابْها لَحْروفْ مْطارَقْ الحَدّادْ
ما بَرَّدْ دَڭها لا دجلة ولا والفرات
ڭالو: زينَّا فَ حْروفو
ڭلنا: وعَيْبْنا ماڭاد تْشوفو
***********
ڭالو: سوريا
ڭلنا: عْلامْنا فَ الشّرْقْ
عْوينَة صابْتو
ما مَكْتوبْ مْقَدَّرْ
رْبيعْ خْرَفْ فَ سْبوعو
كانْ مْوَرَّقْ فْ صابْتو
فَ الشْتا والصّيفْ يَتْحَيَّرْ
بَ خْدودْ النَّعْمانْ فَ رْبوعو
تْكَمَّشْ الفُراتْ، الڭلْسَة مارامْتو
رَعْشَة فَ العاصي سْخَنْ وتْزَيَّرْ
بْكا اللّيلْ عَلْ لَفْجَرْ وطْلوعو
اليرموك بْ ماهْ نْدَبْ حالْتو
ثالوثْ بَ جْنونْ الشّامْ تْشَيَّرْ
كانْ صَبّو فْ لَبْحورْ عْسَلْ بَ دْموعو
ولَبْحورْ عَطْشانَة لَحْلاوْتو
نْشَفْ الشْهَدْ وَجْهو تْغَيَّرْ
هَجْمَتْ بَ مْواجْ مالْحَة عْلى خْشوعو
ولَبْحورْ مَنْ صَبْها قالْتو
ڭالو: قْطَعْ الوادْ اللّي بايْنَة حْجارو
ڭلنا: ليلْنا مابْغى يَطْلَعْ نهارو
************
قَلْبْ لَعْرَبْ مابْقى يْضُخْ
دَمّو فْ مَاهْ كُلْشي يَسْبَحْ
فْ لَارْضْ وَلّا فَالسْطوحَة
وفْ لَعْروقْ حَالْ مابْقى يَطْبُخْ
حْقُنْ بَ لْمَخْيَطْ وبْ لَمْقَدَّة شَرَّحْ
وعَلْنو ڭدِّيدْ خْنازْ بْ لَمْلوحَة
عَطَّرْ بِهْ فْ لَقْبايَلْ لَ يْفيقْ الرّخْ
يْلَقْمو بَ لْمَسّوسْ ولَمْدَرَّحْ
يْفَرَّخْ بَيْضو بْلا مْحوحَة
ڭالو: الخَوَّافْ ماتْخافْ عْليهْ مّو
ڭلنا: بْ خَوفو دْفَنْ اللّي ليهْ وُعَدْمو
| |
|
علي مفتاح
Admin
عدد المساهمات : 468
تاريخ التسجيل : 08/04/2010
العمر : 59
| | موضوع: رد: رعشة في العاصي... 2013-10-01, 05:59 | |
|
الزجال الجميل سي أحمد السالمي
عرفت كيف ترسم لنا الجرح الغائر بشعرية
أن يتناول الزجال موضوعا آنيا دون السقوط في التقريرية و المباشرة
شخصيا اعتبره انتصارا للابداعية الزجلية الشعرية
لقد قرأت هنا قصيدة عرف صاحبها كيف يحفر في العمق
لكي يجعل الصور الراقية تطفو على سطح القصيدة
هنيئا لك هذه اللغة الخصبة ،و هنيئا لنا متعة القراءة
مع وافر تقديري لمقامك الزجلي و الانساني كذلك
| |
|
عزيز صدقي
عدد المساهمات : 131
تاريخ التسجيل : 15/03/2011
الموقع : sidquizajal.blogspot.com
| | موضوع: رد: رعشة في العاصي... 2013-10-02, 03:13 | |
| - أحمد السالمي كتب:
ڭالو: سوريا
ڭلنا: الشام
طَبْعَتْنا خالاتْ مَنْ قْديمْ
تْنَقْشاتْ فْ باحاتْ رْسومْها
قْلادَة مَنْ حَبَّاتْ الرْخامْ
عْناقَدْها تَبْكي بَ الضِّيمْ
خَيَّمْ الضْبابْ حْجَبْ نْجومْها
طاحْ الرْعَدْ وْشَمْها وْشامْ
رابْ الدّمْ حَقْنو بَ الميمْ
سَّوَّكْ لُفّامْ بَ سْمومها
ماقْدَرْ الشامْ عَلْ السْلامْ
كيفْ تَدْوي بَ الجّيمْ
طْلاتو ڭدرَة بَ حْمومْها
ڭالو: الضْبابْ يْلَطَّفْ السْخونَة
ڭلنا: الضْبابْ مَنْ سَعْدْ المَعْفونَة
***************
ڭالو: سوريا
ڭلنا: مَسْكْ الظّاءْ
رَقْبَتْها لْواتْ
فَ تْرابْها تْوَرَّكْ وُتَبْرَكْ
خَصْبَتْها بَ الموتْ والرْقادْ
والموتْ فَ حْواجَبْها تَّلاّتْ
لَمْقوصَة مَنْ شْفارْها تَحْسَكْ
تْنينْ بَ جْذَرْ ما يَسْقيهْ لَمْدادْ
ولَمْدادْ صَيْفو تَّحْصَدْ بَ المَحْراثْ
بَ قْلامْ تْسَبَّحْ بَ الإيمانْ والشَّرْكْ
فَ كْتابْها لَحْروفْ مْطارَقْ الحَدّادْ
ما بَرَّدْ دَڭها لا دجلة ولا والفرات
ڭالو: زينَّا فَ حْروفو
ڭلنا: وعَيْبْنا ماڭاد تْشوفو
***********
ڭالو: سوريا
ڭلنا: عْلامْنا فَ الشّرْقْ
عْوينَة صابْتو
ما مَكْتوبْ مْقَدَّرْ
رْبيعْ خْرَفْ فَ سْبوعو
كانْ مْوَرَّقْ فْ صابْتو
فَ الشْتا والصّيفْ يَتْحَيَّرْ
بَ خْدودْ النَّعْمانْ فَ رْبوعو
تْكَمَّشْ الفُراتْ، الڭلْسَة مارامْتو
رَعْشَة فَ العاصي سْخَنْ وتْزَيَّرْ
بْكا اللّيلْ عَلْ لَفْجَرْ وطْلوعو
اليرموك بْ ماهْ نْدَبْ حالْتو
ثالوثْ بَ جْنونْ الشّامْ تْشَيَّرْ
كانْ صَبّو فْ لَبْحورْ عْسَلْ بَ دْموعو
ولَبْحورْ عَطْشانَة لَحْلاوْتو
نْشَفْ الشْهَدْ وَجْهو تْغَيَّرْ
هَجْمَتْ بَ مْواجْ مالْحَة عْلى خْشوعو
ولَبْحورْ مَنْ صَبْها قالْتو
ڭالو: قْطَعْ الوادْ اللّي بايْنَة حْجارو
ڭلنا: ليلْنا مابْغى يَطْلَعْ نهارو
************
قَلْبْ لَعْرَبْ مابْقى يْضُخْ
دَمّو فْ مَاهْ كُلْشي يَسْبَحْ
فْ لَارْضْ وَلّا فَالسْطوحَة
وفْ لَعْروقْ حَالْ مابْقى يَطْبُخْ
حْقُنْ بَ لْمَخْيَطْ وبْ لَمْقَدَّة شَرَّحْ
وعَلْنو ڭدِّيدْ خْنازْ بْ لَمْلوحَة
عَطَّرْ بِهْ فْ لَقْبايَلْ لَ يْفيقْ الرّخْ
يْلَقْمو بَ لْمَسّوسْ ولَمْدَرَّحْ
يْفَرَّخْ بَيْضو بْلا مْحوحَة
ڭالو: الخَوَّافْ ماتْخافْ عْليهْ مّو
ڭلنا: بْ خَوفو دْفَنْ اللّي ليهْ وُعَدْمو
استمتعت كثسرا بقراءة هذا المتن الجميل,,وسافرت معك إلى عوالم أخاذة
دمت مـتألقا
تجياتي عزيز صدقي
| |
|
أحمد السالمي
عدد المساهمات : 5
تاريخ التسجيل : 19/09/2013
| | موضوع: إلى علي مفتاح 2013-10-03, 03:46 | |
| إلى السي علي مفتاح.سررت جدا بقراءتك لنصي "رعشة في العاصي".لكن ما نطمح فعلا إلى تأسيسه بل استنباته في التجربة الزجلية أن نرفع مستوي المتلقي لتذوقها باعتبار ليس الإبحار فقط في المتخيل وإنما جعله في متناول القارئ من خلال طبيعة الرؤية التي تحكمه، والتي تميزه عن أشكال أخرى تقحم قهرا داخله. تحياتي | |
|
