عبد العزيز سرحاني
عدد المساهمات : 116
تاريخ التسجيل : 10/05/2013
 | | موضوع: السبسي 2013-09-21, 09:06 | |
| السبسي ( من حديث البلية (1) ) أصاحبي... أعطيني سبسي طويل... اطول من حبسي نديرو قنطرة نعبر عليها ل أعماق نفسي نتخبى من نحسي و على راسو طربشو ب شقف غارق أكثر من القبر و عمرو ب الجوهر النقي لخضر اللي سافر من بلاد ل بلاد على أكتاف الرجال ف ظلام العين المغمضة ما شافو حاضي ما فضحو نهار ضاوي حتى رْسَى ف المطوي المطوي على البلية الساخي ب خيرو و المدرح ب طبا زينت الصبا المختارة حبة على حبة و المسببة للراس سبة مور سبة من السبولة حتى لدار البزناس طرطق الوقيدة فوق الحصيدة خرج العمارة فوق السربة... و ما تشعلش تسنى خلي الهوا يتلوى ف نسمة الخلا يردعها و يتنشوى... تسنى راه الشيطان بكا حتى عما على اللي ما سكر ما كما خلي الريح يشرب حقو و يعمر حلقو ويرش خلي الوقيدة تتمتع بالشطحة الزاندة ف عروقها من راسها حتى ل ساسها و فاش تقرب تفنى كفيها على كفنها و شعل... نثر... غمض عينيك و فتح باب لحلام اللي ب كثرت ما بقى مسدود صدى و تجلى قفلو و الساروت زيد نثر... باش قلبك يفيق و يلقط أجمل موسيقى كتعزفها دقاتو فاش ك يشوف الزين صوط ف القصبة ودع اللي بقا خلي الريق ياخد حقو من حلاوة الحبقة و ما يهمك خاوي وإلى همك جبد المطوي وجدد السربة لحَرْكَة جديدة والسبة تلقاها ك تغمزك فكل عتبة من عتابي نفسك الموشومة بلون العشبة . سرحاني شتنبر 13 | |
|
عبد العزيز سرحاني
عدد المساهمات : 116
تاريخ التسجيل : 10/05/2013
| | موضوع: رد: السبسي 2013-10-10, 08:23 | |
| - عبد العزيز سرحاني كتب:
السبسي المشرفون على المنتدى :
ألتمس من سيادتكم السماح لي بإضافة "خير" في آخر القطعة،
حتى لا يفهم أنني أحرض على "الشر".
وشكرا جزيلا.
أصاحبي...
أ عطيني سبسي
طويل...
اطول من حبسي
نديرو قنطرة
نعبر عليها
ل أعماق نفسي
نتخبى
من نحسي
و على راسو
طربشو
ب شقف
غارق أكثر
من القبر
و عمرو ب الجوهر
النقي لخضر
اللي سافر
من بلاد ل بلاد
على أكتاف الرجال
ف ظلام العين
المغمضة
ما شافو حاضي
ما فضحو
نهار ضاوي
حتى رْسَى
ف المطوي
المطوي
على البلية
الساخي ب خيرو
و المدرح ب طبا
زينت الصبا
المختارة
حبة على حبة
و المسببة للراس
سبة مور سبة
من السبولة
حتى لدار
البزناس
طرطق الوقيدة
فوق الحصيدة
خرج العمارة
فوق السربة...
و ما تشعلش
تسنى
خلي الهوا
يتلوى
ف نسمة الخلا
يردعها
و يتنشوى...
تسنى
راه الشيطان
بكا حتى عما
على اللي ما سكر
ما كما
خلي الريح
يشرب حقو
و يعمر حلقو
ويرش
خلي الوقيدة
تتمتع
بالشطحة الزاندة
ف عروقها
من راسها
حتى ل ساسها
و فاش تقرب
تفنى
كفيها على كفنها
و شعل...
نثر...
غمض عينيك
و فتح باب
لحلام
اللي ب كثرت
ما بقى مسدود
صدى
تجلى قفلو
و الساروت
زيد نثر...
باش قلبك
يفيق
و يلقط
أجمل موسيقى
كتعزفها دقاتو
فاش ك يشوف
الزين
صوط ف القصبة
ودع اللي بقا
خلي الريق
ياخد حقو
من حلاوة
الحبقة
و ما يهمك خاوي
وإلى همك
جبد المطوي
وجدد السربة
لحَرْكَة جديدة
والسبة
تلقاها ك تغمزك
فكل عتبة
من عتابي نفسك
الموشومة بلون
العشبة
- أصاحبي...
العشبة مْدَرْكَة عَقْبَة
و العقبة
مخبية ... البلية
و الباس بلا قياس
اللي كيتسنى
ف كل شَعْبة...
و تبهات الصورة
و تولي ذاتك
منخورة
يديرك الزمان
سبسيه و يكميك
فاش كيتوحش
ريحت الموت
اللي كيتنفسها الحوت
فاش ك يخرج من الما(ء).
سرحاني
شتنبر 13 | |
|
