دايَـةْ لـَعْـرَبْ

موضوع: دايَـةْ لـَعْـرَبْ 2013-09-21, 04:21

ڭالو العراقْ
ڭلْنا  الحضارَة
دايَةْ لَعْرَبْ
وَلْدَاتْ النْجومْ بَ نْهارْ
وضَوْها صَبْ فَ الْغَرْبْ
مَرْيَمْ فَ الطْهارَة
ماحْتاجَتْ فيزا وَلا تَعْشارْ
واحاتْها فينا تَشْطَحْ وُتَلْعبْ
وثْمَرْها فَ فَّامْنا يْقَصَّرْ قْصارَة
قَطْميرْ عْظامو يَرْفَعْ صَوْتَكْ فْ لُعْبارْ
صاغو خْلاخَلْ مَنْ الفَضَّة والذْهَبْ
والذْهَبْ ذْهَبْ مَنَّكْ خْسارَة
ڭالو ماكايْنَة فْرارَة
ڭلْنا ما يْلَحْسو لَكْلابْ
*****************
ڭالو العراق
ڭلْنا شُوَّهْتو سيفْتو
عَلْ المَشْنَقَة كانْ واقَفْ
جَرّو لَحْصيرَة مَنْ تَحْتو
زادْ حْماقو فْ لَحْماقْ
رْخى عَلْ لَعْرَبْ السَّالَفْ
تْزادْ سْباعي قْبَلْ وَقْتو
سْمِيْتو فْ كُنّاشْهُمْ حَرْقَتْ لُوْراقْ
شاطَتْ حْروفْ تْهَجّاوْها: حْلالَفْ
طْلَعْ كُلْ واحَدْ بَ كْنِيْتو
قْراها العراقْ طَلْقَكْ طْلاقْ
ڭالو وَلْدَتْ مْعَ الْوالْداتْ
ڭلْنا تْوَخْرَتْ مْعَ الْعاڭراتْ
*****************
ڭالو العراقْ
ڭلنا الفُراتْ ودِجْلَة
عِشْتارْ سْقاتْ صْحاريها
وتَمّوزْ نَشَّفْ الرَّمْلَة مَنْ ماها
رْوى عَطْشو تَلَّفْ الْقَبْلَة
خَرْجاتْ بغدادْ مَنْ صُلْبو بَ سْواريها
روحْ عَشْتارْ نَزْلَتْ مَنْ سْماها
سَرْحاتْ فْ شَهْرزادْ الرْزانَة ولَعْقَلْ
عْثَرْ شَهْرَيارْ فَ حْفاريها
حَجْتو فْ تَمّوزْ رْماها
جْحا بْمَسْمارو فيها حْصَلْ
وحْمارو ماقْدَرْ عْلى شْواريها
ڭالو هاذْ لَحْسابْ بْ عَقْلو
ڭلْنا  اللّي حْسَبْ بَزّافْ كَيْشيطْ لُو


البيضاء في:2013/08/22

عدد المساهمات : 560 تاريخ التسجيل : 25/07/2010

[size=24]الزجال أحمد السالمي

كم يطيب لي أن أرحب بصديق تجمعني به ذاكرة لا يمكن إلا أن أفتخر بها
ذاركة تعود لأكثر من 22 سنة
أتذكر جيدا أول لقاء لي بجمهور مدينة خريبكة سنة 1990
وأنا أنزل ضيفا على أهلها الكرماء

هل أنسى ما حصل لي هناك؟
كانت القاعة غاصة عن آخرها

هل أنسى كيف عانقتني المدينة بأهلها الطيبين؟

أنا فخور بك وبما قدمته لي المدينة من تقدير وحسن الضيافة

تحية خاصة للشاعرة أم سناء وصديقي الدكتور كمال

وأنت يا أحمد
أتمنى أن تجد في هذا المنتدى ما نصبوا إليه جميعا
الرفع بمستوانا الإبداعي

ونحن نخدم هذا الفن الراقي الذي ننتمي إليه

كم أنا سعيد بتواجدك معنا
طاب مقامك أيها البهي

موضوع: داية لعربْ 2013-11-10, 07:30

    الزجال احمد السالمي :
    زجليتك عربون على علو كعبك في نسج زجل جميل و راق . نشكرك على الإمتاع ونتمنى أن تزيدنا من هطولك .
    ملاحظة بسيطة : لم أفهم معنى داية .
    الميلودي العياشي

عدد المساهمات : 5 تاريخ التسجيل : 19/09/2013

شكرا أخي الميلودي على تقييمك المنبثق فعلا من إحساس شاعري رهيف. ما قصدته ب "الداية " المكانة المتميزة للعراق حضاريا " الولادة "