دموع الضحكة

موضوع: دموع الضحكة 2013-09-11, 10:07

دموع الضحكة

هجرتني الضحكة

قلّبتْ عليها فَ دْواخلها

ما لكِيتها

ترجيتها تزورني

وباش بغات تأمرني

خزْرتْ فيا

خزرة واعرة:

منين نبداك

طريقي ليك

ماهو باين

عامر ب لمحاين

ياك لاباس

آش كاين؟؟؟؟

شَفْت فيها شوفة لْمضيوم

اللي قلبو عامر هموم

غيضو ديما مكتوم

وْ لَبْدا مصدوم:

انا اللي ما وصل خطابو

ناسو عليه غابو

كانوا سباب عذابو

معهم غلط فِ حسابو

حيوط حلامو رابو

و لْفرح هجر كتابو

....

بكات مني الضحكة

سَيْلت دموع:

وااه ياقلبي فَ الناس

شحال انت مخدوع

عيبك ماهو مسموع

لمعقول اصبح مصنوع

وانت كُلَّك موجوع

....

ما خلاو سْريرتي صافية

ولا سيرتي نقية

خرجوني من عمق الاوكار

زوقني لبَشَر

عطاني ألف وجه ووجه

مَرّة صفرا ..باهتة

مَرّة ساخرة...ناقصة

ما تْعبّرما تحَس

غير تهلك

ولْخديعة تْدس

...

بغيت نكون كاملة مكمولة

فَ الاعماق مخزونة

ساسها الصدق ولوفا

الرضا والصفا.

تْنَهّدْت بلا قياس

من قاع الانفاس

وكُلت ليها بْ خيبة إحساس:

بغيت لّبسك وافية

ونحس بيك ف اعماقي

تجري صافية

بلا غيار

بلا مْرار

بلا صفار

بغيت نشّربك ماء صافي

بْ ريق ما هو جافي

يطْفي لي نار لعوافي

وبيك عمري يرجع وافي

...

من بعد ما عرفتِ لمحاين

كل شي ولّى باين

وْلا تْسولي آش كاين.

من بَعْد ما تشاركنا

لحديث ولسرار

زال كثير مَ لغيار

سكنت الضحكة الاعماق

ما بقى فيها زْواق

تمنات تزور صحاب الاذواق

اللي ما يعرفو

نفاق ولا شقاق

ويحضنوها بَ الاشواق

س/أ/غ2/9/2013

زائر

ك نلقاني امام نفس سردي ( حكواتي) وهذ ما ك يمنهنش ان وراه زجاله كتشق طريقة اتمنى لها توفيق زكلنا لها عقول صاغية

موضوع: رد: دموع الضحكة 2013-09-13, 04:36

استرسال رائع وصبر في حمله الى طريق النجاة من أجل لحظة البحث في الذات عن الضحكة ..تعبير متماسك بطريقة الحكواتي والأسلوب القرب من العقل ..سيدتي أنت لا تتعبي القارئ لفهم زجلياتك .فتجعلينه جزءا من القصيدة ..الطريق ما زال طويلا لتطوير الذات ..وأنت تضعين الخطوات الثابتة لذلك

موضوع: رد: دموع الضحكة 2013-09-14, 02:10

احمد السبتي كتب:: ك نلقاني امام نفس سردي ( حكواتي) وهذ ما ك يمنهنش ان وراه زجاله كتشق طريقة اتمنى لها توفيق زكلنا لها عقول صاغية

اهلا بك اخي الكريم احمد يشرفني ان اسير على منوال سردك.شكرا على بصمتك الطيبة وتشجيعك الدائم

موضوع: رد: دموع الضحكة 2013-09-14, 02:16

حميد يعقوبي كتب:: استرسال رائع وصبر في حمله الى طريق النجاة من أجل لحظة البحث في الذات عن الضحكة ..تعبير متماسك بطريقة الحكواتي والأسلوب القرب من العقل ..سيدتي أنت لا تتعبي القارئ لفهم زجلياتك .فتجعلينه جزءا من القصيدة ..الطريق ما زال طويلا لتطوير الذات ..وأنت تضعين الخطوات الثابتة لذلك

سيدي الكريم حميد اليعقوبي اتوق لقراءة ردروك لانها مشجعة واجد فيها بعضا مما ابحث عنه.فشكرا لمرورك وبصمتك الطيبة.تحياتي واحترامي سيدي.