بَسْمَ الله نْطَقْ لْسَانِي

عدد المساهمات : 129 تاريخ التسجيل : 12/02/2013

بَسْمَ الله نْطَقْ لْسَانِي

بَسْمَ الله نْطَقْ

لْسَانِي

بِهَا بْدِيتَ كْلاَمِي

وَ سْلاَمِي

يَمْكَنْ رَبِّي يْشُوفْ

مَنْ حَالِي

مَحْلاَهَا كَلْمَة

طَالْعَة مَنْ جُوفِي

خَارْجَة مَنْ حَلْقِي

تَجْرِي وَ تْجَارِي

كُلّْهَا غْرَامْ

وحُبْ فَ لْهَادِي

والجَّذْبَة هَاذِي

شَاعْلَة نِيرَانْ

مْصَدّْعَة ذَاتِي

وعْوَافِيهَا

بْ حرّْ صَهْدْهَا

وَاكْلاَنِي

تَنْبَشْ فَ اعْظَامِي

وبْ حَرّْ شُوقِي

وغْرَامِي

لِيكْ يَالْغَالِي

نَفْسِي وْذَاتِي

تَرْحَمْنِي

عَنْدَ مُوتِي وحْيَاتِي

يَمْكَنْ تْفَرَّجْ

هُولي

واهْوَاسِي وخَلَعْتِي

الرَّاكْبَة ضْلُوعِي

مَّحْنَة جْفُونِي

.
.
.
.
.
كاتبة الموضوع:
خديجة صادق

مقتطف بسيط من زجلية {بسم الله نطق لساني}