ابو العز
عدد المساهمات : 56
تاريخ التسجيل : 08/08/2011
العمر : 61
 | | موضوع: سلطان الغابة 2013-07-14, 13:01 | |
|
سلطان الغابة
اليوم السبع طاحوا نيابو
ولى مسكين كيف خيال الغابة
ماينش , مايهش , مايجبد حنش
ولاَّوا القرودة يلعبوا فوق راسو حابة
هربوا عليه احبابو واصحابو
بقى فريد براني وسط ناسو
بعدما تساسوا ليه سنانو وضراسو
يشوف بعويناتو ويسمع بوذيناتو
ويتسنى اصْحَيْبُو الثعلب يجود عليه
لكن هيهات هيهات
حِيوان الغابة ماحنَّات فيه
اعطاتوا بالقفا وماسمعت ليه
شاف السبع حتى عيا وانفجر
بدا يصيح بصوت مبحوح :
واالحِيوان , والحِيوان ...
أنا سلطان الغابة
أنا هو السبع , غير خيالي كيخلع
لاتقولوا ضعاف ليا السمع
ومابقى فيا نفع
يلا مشى عليكم السبع
مابقات تجمعكم غابة
ومابقى يجمعكم مجمع
كلها يعيط راسي ياراسي
وكلها على كبالتو يسوط
والمحتار فيكم يضرب خماسي فسداسي
والفار يدردك ويزيد يدردك على القعادي
ويحرك فالبوط
والحِيوان المرضي
يصبح مسخوط
راه السبع ديما يبقى سبع
واخا يمشي ليه البصر والسمع
تبقى هيبتو فالغابة تخلع
كيف البلغة على باب الخيمة
تجيب الهيبة للدار
كيف السبع وسط الغابة
يْدَخّْل كلشي للغار
تهلاَّوا تهلاَّوا فسبعكم
ياذوك الحِيوان
راه مع الوقت ينفعكم
ويعلي ليكم الشَّان
بين قوام وقومان
| |
|
حميد يعقوبي
عدد المساهمات : 34
تاريخ التسجيل : 10/08/2013
| | موضوع: رد: سلطان الغابة 2013-08-29, 20:05 | |
|
انها النهاية المحتومة للطلم ولكل ظالم ..واذا اعتقد الأسد أنه ملك للأبد بالغابة ..فإن الغابة لأهلها وحيواناتها ..
تصوير رائع منك عبر هذه الزجلية لما يجول بأدخال الماعالين عن الناس ونهاياتهم ..ونزولهم من أ‘لى الكراسي الى أسفلها حتى ترى الناس يفترشون أجسامهم للسير فوقها .
كلماتك منتقاة بشكل سردي حكواتي محبك بطريقة لا تجعل القارئ يتوقف حتى نهاية الزجلية ..
شكرا أخي أبو العز ودام حرفك معبرا بطريقة متميزة .
| |
|
