لِيلَة لَحْرِيرَة لْمَعْشُوقَة لِكُلِّ عُشَّاقْ لَحْرِيرَة وَ قْوَامْهَا

بمناسبة قدوم رمضان والذي نراه على الأبواب يخطو خطوات السلحفاة،عساه يترك لنا المجال لنزفه في أحسن الظروف ونحتفل به في شهره العظيم،إنه لشهر العبادة والصيام وشهر التسامح وإحياء صلة الرحم بين الأقارب،وشهر الصداقة والزكاة من إستطاع لذلك سبيلا.
وأخيرا ضيفنا الحاج رمضان جَايْ وجَيَبْ لِينَا مْعَاهْ
الشريفة لالة لحريرة

المتوجة بتاج  فوق راسهاوهو عْنَايَتْهَا قُدَّامْ حُسَّادْهَا لَهْلاَ يَخْفَاكُمْ لَحْسُوَّة وبِيصَارَة سَمّْهُمْ مَا خْفَاوَهْ الله يَسْتَرْ بَايَنْ فْ وْجَهُمْ حْتَّى مْسَخْهُمْ رَبِّي
تَلْقَاهُمْ بَاسْلاَتْ حَاسْلاَتْ لا مَذَاقْ لاَبَنَّة غِيرَ لْمَاءْ وَ الزّْغَارِيتْ فْ لَخْوَ
أِيوَا آشْنُو ضْهَرْ لِيكُمْ نْذُوقُو
لاَلَّة مُولاَتِي لَحْرِيرَة لَمْنَسّْمَة بَ السّْمَنْ

كَارَانْطِي اللِّي ذَاقْهَا مَايَنْدَمْ،   يالله مرحبابكم أُو رُدُّوا عْلِيَّ لَخْبَارْ




لِيلَة لَحْرِيرَة لْمَعْشُوقَة لِكَلْ عُشَّاقْ لَحْرِيرَة وَقْوَامْهَا


لَحْرِيرَة عْمَارَةَ الدَّارْ
يَا حْبِيبَةَ لْجَمَاهِيرْ
    ****
بَنَّةْ لَحْرِيرَة نُورْ عَيْنِيَّ
بْلاَ بَهَا مَاتَحْلَى لِيَّ
    ****
بَنَّةْ لَحْرِيرَة بَ السّْمَنْ
اللِّي ذَاقْهَا مَا يَنْدَمْ
     ****
طَبَقْنَا بْ نسْمَةَ السّْمَنْ
    مُوزُونْ
    ****
مَايَاكُلْ فِيهْ غِيرْ اللِّي
  بِهَا مَجْنُونْ
    ****
لَذَّتْهَا مَا تَخْطَى دَارْ
كِيفْ حَالْ اللِّيلْ وَ النّْهَارْ
   ****
وَاللِّي مُولُوعْ بَ الشّْهِيوَاتْ
مَا يَتْخَلَّى عْلَى زِينَةْ لَبْنَاتْ
   ****
كِيفْ يَمْكَنْ لِي نَطْبَخْ
وَعْمَارَتَ الدَّارْ
   ****
مْرَبّْعَة مَا عَجَبْهَا حَالْ
مْرَبّْعَة تْسَايَنْ لَقْوَامْ
   ****
اللِّي يْوَالَمْهَا وِيزِيدْهَا
  لَذَّة فُوقْ لَذَّة
  ****
مَا بْقِيتِ تَعْرَفْ
لَعْدُو مَنْ صْدِيقْ
   ****
خَاوَتْهُمْ وَلاَّتْ وَحْدَة
وَكَلْمَتْهُمْ تْقُولْ كَلْمَة وَحْدَة
   ****
بَنَّةْ لَحْرِيرَة فَ التِّيفُورْ
فْدَارْلْعَاشَقْ كَ تْدُورْ
   ****
وَاللِّي يْقَدَّرْهَا وِيحَبّْهَا
مَاتّْخَلَّى عْلِيهْ فْ وَقْتَ الشَّدَّة
   ****
لِيلَة لَحْرِيرَة  لْمَعْشُوقَة
فَ زْلاَيَفْ مَالْهَا مْثِيلْ
   ****
وَلَوْ تْجُوبْ وَدْيَانْ وَبْحُورْ
وَصْحَارِي وَقْصُورْ
   ****
 يَا هَاذَ لْعَاشَقْ لْوَلْهَانْ
دِيرْهَا فْ دَارَكْ هَاذَ الزّْمَانْ
   ****


كاتبة الموضوع :
خديجة صادق