السوق

الثلاث نهار السوق
نهار الصداع بالبوق
المدينة كتولي روينة
من الدخلة حتى للعوينة
الزناقي عامرة بنادم
الغاشي غادي وهايم
وعل الكلام الزين صايم
ماراد البال غير لبهايم
و قوة الكرارس فالزحايم
ريح الروث فالجو عايم
من الفجر حتى العشية
والناس كتزرب بلا روية
كلشي مجرور
كلشي معروض
غادين للسوق
تابعين البوق،
…
شي جاي يتسوق
شي جاي مزوق
شي جاي يزور
شي جاي يدور
من التربية حتى الجد
خليط ما عندو حد
السوق كأنو جزيرة
حاداه أسوار كبيرة
البيع والشرا دكل حاجة
من البكرة حتى لدجاجة
لافراي والرحبة
لاكريي والكرنة
وكل أنواع الميكا كاينة
دار الحنبل زاهية بالألوان
البال بجميع الاثمان
الخضرة مشتة فكل مكان
الزيت والزيتون والصوف
كلها وعبارو كلها وميزانو
كلها وصروف
الرحبة دالبكري والغنمي
البلدي والرومي والكروازي
كل البهايم اللي بلفلوس
من الفلوس حتى العتروس

وإلى جاك الجوع
أوكنت عطشان
هز عينيك تشوف الدخان
الكيطون حماري بلا لون
منو مطعم منو قهوة وصالون
الحوت والحرشة والملوي
الكرعين والراس مشوي
البرارد دأتاي فكل جهة
شي بالنعناع شي بالشيبة
والصنعة كاينة فالكبة
اللي كتزين الكاس بالرزة
والروايح مخلطة مجلطة
متعرف العادية من المسلطة

الشفناج مسلطن فوق الكوشة
ميسطرو زين التعريشة
حداه سبسي فيه مترو
وشقف يهز تفريشة
د الكيف مدرح بطابة
النترة منو كتولد ضبابة
كيدخل بنادم ياكل ويعتق
كيخرج وهو مبوق،
...
وإلى بغيتي تقاد وتسخى
كاين الحجامة بالرخا
تحيد الدرسة بلا عداب
غير حل فمك للكلاب
عضامك ثقال وخروجك عاسر
يحيدوا ليك الدم الخاسر
الحجام فالسوق طبيب
عليك بالنية أ لحبيب
...
وإلى كنت ذواق ولبيبب
بلا حشومة بلا كدوب
قصد الرحبة دالعشوب
تم الزعتر وزعيترة
المعطرسة ومرسيطة
النعناع البلدي ومريوتة
الشيح الفيجل ومانتا
فليوووالحلبة منبتا
كلها وبرادو كلها وقياسو
كلها وإيمانو وحساسو فراسو

وإياك والدجالة
اللي كيعمرو الوذن بالنخالة
والعين بالجلالة
عندهوم جميع الدوا
دكل مرض وعيا
عولين عالبوق والصياح
منهوم الطبيب والبراح

الله يسعد الصباح ويكثر الفليسات
فسوق الثلاث بالخميسات
إلى غادرتيه بخير
حمد الله كثير
حيث غتبقى سمانا
وأنت كتسنا
نهار السوق
نهار الصداع بالبوق.


سرحاني

عبد العزيز سرحاني كتب:

الثلاث نهار السوق
نهار الصداع بالبوق
المدينة كتولي روينة
من الدخلة حتى للعوينة
الزناقي عامرة بنادم
الغاشي غادي وهايم
وعل الكلام الزين صايم
ماراد البال غير لبهايم
و قوة الكرارس فالزحايم
ريح الروث فالجو عايم
من الفجر حتى العشية
والناس كتزرب بلا روية
كلشي مجرور
كلشي معروض
غادين للسوق
تابعين البوق،
…
شي جاي يتسوق
شي جاي مزوق
شي جاي يزور
شي جاي يدور
من التربية حتى الجد
خليط ما عندو حد
السوق كأنو جزيرة
حاداه أسوار كبيرة
البيع والشرا دكل حاجة
من البكرة حتى لدجاجة
لافراي والرحبة
لاكريي والكرنة
وكل أنواع الميكا كاينة
دار الحنبل زاهية بالألوان
البال بجميع الاثمان
الخضرة مشتة فكل مكان
الزيت والزيتون والصوف
كلها وعبارو كلها وميزانو
كلها وصروف
الرحبة دالبكري والغنمي
البلدي والرومي والكروازي
كل البهايم اللي بلفلوس
من الفلوس حتى العتروس

وإلى جاك الجوع
أوكنت عطشان
هز عينيك تشوف الدخان
الكيطون حماري بلا لون
منو مطعم منو قهوة وصالون
الحوت والحرشة والملوي
الكرعين والراس مشوي
البرارد دأتاي فكل جهة
شي بالنعناع شي بالشيبة
والصنعة كاينة فالكبة
اللي كتزين الكاس بالرزة
والروايح مخلطة مجلطة
متعرف العادية من المسلطة

الشفناج مسلطن فوق الكوشة
ميسطرو زين التعريشة
حداه سبسي فيه مترو
وشقف يهز تفريشة
د الكيف مدرح بطابة
النترة منو كتولد ضبابة
كيدخل بنادم ياكل ويعتق
كيخرج وهو مبوق،
...
وإلى بغيتي تقاد وتسخى
كاين الحجامة بالرخا
تحيد الدرسة بلا عداب
غير حل فمك للكلاب
عضامك ثقال وخروجك عاسر
يحيدوا ليك الدم الخاسر
الحجام فالسوق طبيب
عليك بالنية أ لحبيب
...
وإلى كنت ذواق ولبيبب
بلا حشومة بلا كدوب
قصد الرحبة دالعشوب
تم الزعتر وزعيترة
المعطرسة ومرسيطة
النعناع البلدي ومريوتة
الشيح الفيجل ومانتا
فليوووالحلبة منبتا
كلها وبرادو كلها وقياسو
كلها وإيمانو وحساسو فراسو

وإياك والدجالة
اللي كيعمرو الوذن بالنخالة
والعين بالجلالة
عندهوم جميع الدوا
دكل مرض وعيا
عولين عالبوق والصياح
منهوم الطبيب والبراح

الله يسعد الصباح ويكثر الفليسات
فسوق الثلاث بالخميسات
إلى غادرتيه بخير
حمد الله كثير
حيث غتبقى سمانا
وأنت كتسنا
نهار السوق
نهار الصداع بالبوق.


سرحاني

جميل هاته الورقة التعريفية للسوق البلدي الذي يجمع بين تقاليد جْدُودنا كأن الزمن قد توقف ولم يخطو خطواته عبر العصرنة والتكنلوجية الحديثة . صحيح هي متعة مدهشة بين كل الحِرف التي سبق ذكرها .
فكل ما جاد به حَرْفك الراقي شذنا بنغمته الساحرة و جعلنا نشعر وكأننا نجول بين أزقته الصغيرة .
تعبير ساحر زمم بحرف ذهبي
تحياتي لك أخي الفاضل: عبد العزيز سرحاني




[center]

الأخت الطيبة والجزالة الصادقة ،
ألف شكر على كلماتك الرقيقة،
وتعبيرك المشجع،
أنت أول من تكرم وتفضل علي بأول رد،
دمت طيبة القلب إلى الأبد.