منتدى الزجل المغربي
أهلا و مرحبا بك ايها الزائر
منتدى الزجل المغربي ،يرحب بك و بانضمامك إليه
أهلا بحرفك المزجال ،
ننتظر تسجيلك لتفيد و تستفيد
شكرا لانكم اخترتم مشاركتنا هذا السفر الزجلي
مع خالص موداتنا
منتدى الزجل المغربي
أهلا و مرحبا بك ايها الزائر
منتدى الزجل المغربي ،يرحب بك و بانضمامك إليه
أهلا بحرفك المزجال ،
ننتظر تسجيلك لتفيد و تستفيد
شكرا لانكم اخترتم مشاركتنا هذا السفر الزجلي
مع خالص موداتنا
منتدى الزجل المغربي
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى الزجل المغربي

منتدى خاص بالزجل المغربي شعرا و نقدا
 
الرئيسيةالرئيسية  البوابةالبوابة  التسجيلالتسجيل  دخول  
ازرار التصفُّح
 البوابة
 الصفحة الرئيسية
 قائمة الاعضاء
 البيانات الشخصية
 س .و .ج
 بحـث
بحـث
 
 

نتائج البحث
 
Rechercher بحث متقدم
تصويت

 

 عزيب لكلام...

اذهب الى الأسفل 
3 مشترك
كاتب الموضوعرسالة
محمد مومر

محمد مومر


عدد المساهمات : 55
تاريخ التسجيل : 01/07/2010

عزيب لكلام... Empty
مُساهمةموضوع: عزيب لكلام...   عزيب لكلام... Empty2010-08-09, 07:32


عْزِيبْ لَكْلاَمْ ...

عِْزيبْ لَكْلاَمْ
حْرُوفْ ... وحْرُوفْ
حَرْفْ طَالِي كْفُوفْ المعْنَى
حَنَّة
حَرْفْ مْسَرَّجْ عَوْدُ فَالسُّرْبَة
مْحَبَّة
حَرْفْ يْگَرْشَلْ شْعِيرْ ودْرَة
هَدْرَة
وحَرْفْ يَغْزَلْ مَنْ صُوفْ لَكْلاَمْ
سَلْهَامْ ...
لْبَسْتُ فَادْخَالِي قَشَّابَة
فْلُونْ الحَرْمَلْ
والشَبَّة سْفِيفَة
عْلِيهَا نَتْبَخَّرْ فْلِيلَةْ الجَّدْبَة
نْسَاوِي المَشْيَة
فَدْخُولِي
لَعْزِيبْ لَكْلاَمْ
الحَالْ عَيْطَة
مَنْ دِيكْ الخَلْوَة
عَلْوَة ...
وسْوَاكَنْ مَرْيُوحَة
غَطَّاتْ خْيَالْ لحَرُوفْ
بَسْوَالْفْ گُمْرِيَة ...

عَدِّيتْ مَا گَلْتْ
مَنْ صُغْرِي لْكُبْر
مَنْ گَمَّاطْ سَرِّي
لَغْطَا لَقْبَرْ
مَنْ شِيبْ وَقْرِي
لَلْسَانْ إِلَى هْدَرْ
مَنْ احْلاَمْ فَجْرِي
لَشْفَارْ النْظَرْ
مَنْ عُكَّازْ صَبْرِي
للََعْظَمْ لِلِّي مَا بْغَا يَجْبَرْ
مَنْ غْبَارِي لَمْدَرِّي
لَصَّاحَبْ للِّي خَانْ
وَغْدَرْ...

أُعَدِّيتْ
مَللِّي بْدِيتْ كْلاَمِي
فَعْزِيبْ لَكْلاَمْ
نْغَرْبَلْ لحَرُوفْ
عْلَى كَتَّانَةْ گاشُوشِي
وَنَخْبَزْ دْگِيگْ المَعْنَى
قْصَايَدْ فْجُوفِي
وَفْخْزِينْ البَالْ
نْطَرَّفْ نُخَّالَةْ حْرُوفِي
لَدْوَايَرْ الزّْمَانْ ...

إِلَى فَاتْ الفُوتْ
نْسَگِّيهَا بْعَرْگِي حْلِيبْ ...
تْجَبَّرْ عْيُونْ السّْكَاتْ
حَكْمَة بْلاَ قْوَافِي ...

دَرْدَكْ يَا حَرْفِي
عُمْرَكْ طْوِيلْ
فَلْهَاتِي
جَابْدَاكْ ذَاتِي
مَنْ يُومْ تْگَطَّعْ مَصْرَانِي
مَنْ يُومْ فَدْفَدْ لْسَانِي
مَنْ يُومْ سْمَعْتْ بَوْدَانِي
حْرُوفِي دَاوْيَة ... فِيَ
عْگَرَتْ دْوَايْتِي
وَنْشَفْ مْدَادِي
وَاسِيتْ السّْطَرْ فْوْسَادِي
وَتخْمَامِي مَايْدَاوِي
مَايْشَافِي ...

اتْكَرْكَبْ گُدَّامِي
يَاخْيَالِي
وَعْگُدْ اكْتًافَكْ
بَگْيَادْ الصّْبَرْ
اسْگِي مَنْ سَاگْيَةْ
عْزِِيبْ لَكْلاَمْ
مَا ...هْبِيلْ
يْسَگَّمْ حْرُوفْ غِيوانَكْ
عَثْرَاتْ
مَا ... هْبِيلْ
يَتْيَمَّمْ مَنْ حْرُوفْ صْوَابَكْ
رَكْعَاتْ
مَا ... هْبِيلْ
يَزَمَّمْ مَنْ حْرُوفْ اقْوَالَكْ
لَوْيَاتْ
مَا ... هْبِيلْ
يَتْعَلَّمْ مَنْ حْرُوفْ كْلاَمَكْ
فَتْيَاتْ
وطِيحْ فِينْ رَاكْ بَارَكْ
وَاتْوَضَّ مَنْ مَاكْ لَهْبِيلْ
لَصْلاَتْكْ
رَاهْ الوَافِي مَا يْحَافِي
لاَ تْسَبَّبْ حْرُوفَكْ قْوَافِي
لاَ تْعَدَّبْ ظْنُونَكْ عْوَافِي
ولاَ تْعَجَّبْ فَزْمَانَكْ الطَافِي
لَشْمُوعْ النِّيَّة
فْرْحِيلُ
مْعَانِي مْسَلْمَة
وفْتِيلْ مَحْرُوگْ
بَكْيَةْ السْلاَمْ
عْلَى نَارْ شَاعْلَة
بَرْمُوشْ الشُّوفَة
الزَّاهْدَة
فْغَارْ مَظْلاَمْ ...
بَعْوَافِيهْ طَافِي ...
لاَ تْهَزْ رْحِيلَكْ فْليَالِيهْ
سَمّْ الرِّيحْ گَادِي
والرِّيحْ فَسَمّْهَا ... نْكَادِي
وبِينْ الرِّيحْ واللِّيلْ
رْحِيلْ
جْوَادِي
حَطَّاتْ مَنْ لَقْوَالْ
سَالَبْهَا غْرِيبْ
فْدِيكْ الغُرْبَة جَوَّالْ
رْكَاكَزُ مَهْدُومَة
مَرْدُومَة
بَهْمُومْ
ثْقُلْهَا عْلَى كِْتَافِي ...

إِلَى هَزَّكْ ضِيمْ
لحَرُوفْ
غْزَلْ مَنْ لَگْصَبْ ... شَاشِية
ضَرَّگْ الخَطْوَة
مَنْ صَهْدْ لَعْيُونْ
وگَلَّبْ شْعَابْ الْگَلْبْ
بَضْفَارْكْ المنْسِيَّة
وَشَطَّبْ گْفَاكْ
مَنْ عَارْ البَكْيَة
دْمُوعْ وَاگْفَة
عْلَى بَابْ التَّنْهِيدَة
وتَبْرَاحْ الخَلْوَة
مَاهُو كَافِي ...

خَلِّيكْ حْنِينْ
بَتْرَابْ لغْزِيبْ
خَطْوَاتْ
عْلِيهَا حْرُوفَكْ
وَحْرُوفِي مْشَاتْ وَجَاتْ
فِيكْ دَمِّي كَتْبَة
وَدَمَّكْ مَنْ دَمِّي جَدْبَة
رَاهْ الخَاوَة حَدّْهَا الدَّنْيَا
ولحَرُوفْ عَنْدْ الحَزَّة
مْعَانِي .... لِيكْ وْلِيَّ
قْوَافِي...

الرجوع الى أعلى الصفحة اذهب الى الأسفل
علي مفتاح
Admin
علي مفتاح


عدد المساهمات : 468
تاريخ التسجيل : 08/04/2010
العمر : 57

عزيب لكلام... Empty
مُساهمةموضوع: رد: عزيب لكلام...   عزيب لكلام... Empty2010-08-12, 12:19

دَرْدَكْ يَا حَرْفِي
عُمْرَكْ طْوِيلْ

عمر حرفك طويل يا خويا
خلي الليف فوق قعدة المعنى يدردك
خلي الحروف تتبع هتوف القصيدة
و انت يا خويا
خليني نلبسك سلهام
فجريحة حرفي يطوال لساني
يمكن لقصيدة ف دواخلي تدفا
خليني نتسفال بدرديكة حرفك
خليني نعكز بسلسول المعنى
و نجيك وتار و هجهوج
نغمة على نغمة
يمكن نحياوا
يمكن نموتوا بزوج

و كعادتك دائما ،تعيدني الى لحظات بعينها
اقرأ القصيدة فأتخيلني وسط حقول الشاوية
ملقى فوق تربتها ،أشم رائحة البادية
فيسكنني الحنين الى لحظة كان الانسان بكامل انسانيته

مودتي خويا مومر

الرجوع الى أعلى الصفحة اذهب الى الأسفل
لحميتي احمد




عدد المساهمات : 17
تاريخ التسجيل : 05/07/2010
العمر : 57

عزيب لكلام... Empty
مُساهمةموضوع: رد: عزيب لكلام...   عزيب لكلام... Empty2010-08-12, 12:30

الزجال المقتدر محمد مومر

سأضم صوتي لما قاله الاستاذ علي مفتاح
و اقول لك ،قصيدة فيها اشتغال
حفر عميق في معانقة الصورة
قصائدك فيها رائحة تربة هذه البلاد
مودتي و احترامي
الرجوع الى أعلى الصفحة اذهب الى الأسفل
محمد مومر

محمد مومر


عدد المساهمات : 55
تاريخ التسجيل : 01/07/2010

عزيب لكلام... Empty
مُساهمةموضوع: رد: عزيب لكلام...   عزيب لكلام... Empty2010-08-15, 09:16

لكم مني كل التقدير والاحترام
شكرا جزيلا على كلماتكم الرقيقة والجميلة
مودتي
الرجوع الى أعلى الصفحة اذهب الى الأسفل
 
عزيب لكلام...
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الزجل المغربي :: منتدى الزجل المغربي :: منتدى الزجل-
انتقل الى: