منتدى الزجل المغربي
أهلا و مرحبا بك ايها الزائر
منتدى الزجل المغربي ،يرحب بك و بانضمامك إليه
أهلا بحرفك المزجال ،
ننتظر تسجيلك لتفيد و تستفيد
شكرا لانكم اخترتم مشاركتنا هذا السفر الزجلي
مع خالص موداتنا
منتدى الزجل المغربي
أهلا و مرحبا بك ايها الزائر
منتدى الزجل المغربي ،يرحب بك و بانضمامك إليه
أهلا بحرفك المزجال ،
ننتظر تسجيلك لتفيد و تستفيد
شكرا لانكم اخترتم مشاركتنا هذا السفر الزجلي
مع خالص موداتنا
منتدى الزجل المغربي
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى الزجل المغربي

منتدى خاص بالزجل المغربي شعرا و نقدا
 
الرئيسيةالرئيسية  البوابةالبوابة  التسجيلالتسجيل  دخول  
ازرار التصفُّح
 البوابة
 الصفحة الرئيسية
 قائمة الاعضاء
 البيانات الشخصية
 س .و .ج
 بحـث
بحـث
 
 

نتائج البحث
 
Rechercher بحث متقدم
تصويت

 

 ظل النمله ( خبيره)

اذهب الى الأسفل 
كاتب الموضوعرسالة
ادريس أمغار مسناوي

ادريس أمغار مسناوي

عدد المساهمات : 560
تاريخ التسجيل : 25/07/2010

ظل النمله ( خبيره) Empty
مُساهمةموضوع: ظل النمله ( خبيره)   ظل النمله ( خبيره) Empty2011-06-02, 07:29

[color=blue]


ظل النملَه

هذو جوج قبايل كانوا عايشين ف آمان جنب غوِيبَه فيها الطيور والزهر ألوان. ف واحد النهار تسلَّط عليهم الحلوف ، ما عرفوا لا منين؟ ولا كيف؟، بدا كل ليلَه كيهجم على قبيلَه ،كياخذ اللي لقَه قدّامُه بلا قوَّه بلا حيلَه: نعجَه، معزَه، خروف، عجْلَه. وأهل القبايل كتسمع وتشوف، حتى واحد منهم ما كان يقدر يحرَّك يديه أَوْ غير لسانُه من كثرة الخوف.
كبر الحلوف وكبر ف قلوب القبايل الخوف. والناس غير ساكتَه وتشوف. مشى بهم الدَّل يقدسوا عظامةْ الحلوف. كل فريسَه خطفها ديالتُه ، ماكتعتبرش سريقَه ولا معروف.
كانوا كل صباح كيفطروا بالزديح والرديح والشطيح . كانوا كيتبادلوا بكلام غريب وهما كيضحكوا ع لمليح ولقبيح.
• احنا اخذَ لينا خروف سمين، وانتما اخذَ لكم نعجَه شارفَه يا قبيلة الدموع.
* احنا اخذَ لينا عجل ولد عامين، وانتما اخذَ لكم معزَه مريضَه يا قبيلة لعرا والجوع .
• احنا زارنا جوج مرات متابعين، وانتما ما شافكم شي هذي اكثر من أسبوع .

٭
كانت قبيلَه ثالثَه معزولَه تاتسمَّى بالقبيلَه المعلومَه. قبيله ساخطَه ع المهزلَه اللي غير ما كتزيد كل ليلَه. قالت " السكات يعني ما بقت تنفع حيلَه. السكات يعني ما بقاوا رجال ف لقبيلَه ".
ناضوا أهل هذ القبيله وحفروا حفرَه كبيرَه جنب الزريبَه. ف الليل ملِّي جا كِ العادَه الحلوف والحلوفَه ياخذوا عشاهم، طاحوا ف الحفرَه بجوج طيحَه مكشوفَه. تبسمت الـﭭمرَه لكل حبيب وحبيبَه. تكلمت ف كلامها معاني قريبَه " فرحوا هذي نهاية اللي كان لكم سبب ف المصيبَه ".
٭
ف الصباح حين فاقوا لخرين. سولوا بعضهم ع الحلوف فين يكون رمى البارح العين ؟.
تبدَّل وجههم ملِّي عرفوا ما ظهر له لا راس لا رجلين.
قالوا " الحلوف غاب علينا يمكن يكون مريض ومحتاج لعوين".
دخلهم الخوف وما لقى فين يعشّش غير ف القلب. خافوا لا يكون الحلوف عليهم غضب، وسخط عليهم أَوْ تايفكر ف حرب.
أُو هما كيقَلْبوا ويشقلبوا ف الهدرَه، جرّْهم غوات الدّوّار المعلوم "اليوم يمكن لينا نفرحوا ونسعدوا، اليوم يمكن كل واحد فينا يتهنَّى على بنتُه وولدُه. اليوم يمكن لينا نمسحوا الدموع ونخيطوا لجراح. زمان الخوف والسكات راح . من هذ الساعه يمكن تنعسوا على وذنيكم بجوج، ما بقى فينا اللي يخاف مازال على دابَّه ولاَّ على فروج. الحلوف والحلوفَه قضينا عليهم بجوج ، ها هما قدّامكم ف الحفرَه ما عندهم خروج".

غوتوا أهل الدواور بجوج "طلقوا لحلالف ولاّ نعملوا شي طاب وشي ما طاب، مع من تشاورتوا يا قبيلة المحنَه ولعذاب ؟ واش بغيتوا ترجع بلادنا خراب ؟ ".
تعلاّت الفيسان والشواقر ولخناجر. تعلاّ معهم نبيح لكلاب. ما كان على أهل الدوار المعلوم غير يطلقوا الحلالف ويسدّوا وراهم الباب.
دارت لقبايل الأخرى ع لحلالف " ياك اللي غلب يعف يا سيادنا لحلالف ".
اجْراوا وكل واحد واش جاب. هذا جَر لهم خروف مصَيَّف، ذاك حط قدامهم ثور مكثَّف.
اكلت وشربت لحلالف، غنّاوا ولعبوا لمتارف...

مشت أيام وايام اخرى جات، الحلوفَه ولدَت. الغابَه بهم عَمْرَت. لحلالف ولاّوا يدخلوا ويخرجوا مجموعين، ما كاين اللي يقول لهم فين كنتوا ؟ ولا فين غاديين ؟. ياكلوا اللي بغاوا بيدين ورجلين، م الصاب غير يبقاوا راضيين.
لقبايل ما قدّاتهم فرحَه، إلا لقبيله المعلومَه باقِيَه ما نست القرحَه.
قالت ملي عاود فكرت "العثرَه عمَّرها ما قتلت، والرجال لَحْرار عمَّرهم ما يفقدوا الثقَه ف انفسهم ولا ف الحياة.
على خطَّه وحدَه مشاوا من جديد . على كلمَه وحدَه تجمعوا يدين من حديد. وبدا التنفيد.
*
ف الصباح فاقت لولاد على غوات " لغويبَه تحرقت ... لغويبَه تحرقت !. الحلوف ما يكون غير مات.
تساءلوا "فين القبيلَه المعلومَه؟. قالوا ما تكون غير هي مولات العملات".
كل واحد حط ف يديه ما لقى : عصا، شاقور ، منجل ، مطرقَه. وف رمشَةْ عين كانوا بلقبيله المعلومَه دايرين.
_ خرجوا يا قبيلة الملعونين، خرجوا ما عندكم كيف تهربوا ولا فين. كلكم بين يدينا ، ما عندكم عليها لين.

خرجوا سكان لقبيله المعلومَه.
طاح لغوات. طاح السلاح . سكن السهات.
_ لعفو .. لعفو .. حاشى واش باقيين نهزوا السلاح ف وجوهكم ، احنا معكم وديما معكم عَمَّرنا ما دزناكم ولا خنّاكم، يستاهل لعقوبَه اللي خرج على طريقكم ونساكم.

كانوا سكان لقبيلَه المعلومَه ف بطاين لحلالف واقفين، ولخرين ف جنابهم على كرشهم طايحين.
خطب واحد م القبيله المعلومَه، قال لهم كلمتين "كل شي يرجع منين جا وفالحين. م اليوم غ تبداوا تعملوا تحت أوامرنا حتى تتقاد لعقول العوجا ويبان المبين ".
القبايل لخرين "السمع والطاعَه ، احنا عبيدكم بحنوكنا مشرطين ، اللي قلتوها هي اللي تكون وف رمشة عين ".
٭

و ذاك الشي اللي كان.
بدت الأوامر كتوصل وبدا التنفيد ف المشاكل تايحل. ف اعوام قليلَه تحفروا ابيار، طلعت دار جنب دار . الأرض اللي كانت عريانَه صارت كلها أشجار وخُضَر .
لَغْوِيبَه كبرت، عرستْ فيها الغزالَه وولدَتْ. يا ما فدادن القمح ويا ما مطامَر هي عمّْرت !.
ضحكت الدنيا واحلَت الحياة !
٭
واحد النهار خرجت لقبيلَه المعلومَه بقرار "جات الوقت فاش نصارحوا لقبايل نشرحوا لهم ما فات عليهم وغاب. جات الوقت فاش يرموا من دماغهم لخرافَه ويرجعوا للصواب".

جمعوا سكان لقبايل بجوج ، خطبوا فيهم "يا قبايل! عرفتوا علاش جمعناكم ؟".
لقبايل بجوج : لا ، وكيف ما كان الأمر احنا ديما معكم.
لقبيله المعلومه: جات الوقت فاش تخرجوا من بحر الظلمات .
ق ج : احنا ما شايفين حَد فينا ف بحر الظلمات.
ق م : خصكم تعرفوا قبل ما تسمعوا الحقيقَه المكتومَه، آش نجزتوا باش تعرفوا شكون انتما ف الكاينات.
ق ج : المهم هو تكونوا قابلين علينا.
ق م : اللي حققتوه كبير ما شي قليل.
ق ج : إلى ما قدكم شي النهار نزيدوا حتى الليل.
ق م : حفرتوا ابيار ، غرستوا اشجار ...
ق ج : إلى ما قدكم شي نزيدوا آلف هكتار وهكتار.
ق م : بنيتوا مدينه ما لها مثيل، فيها الضو شاعل وفيها الما(ء) يسيل، اصبح كل واحد بدارُه، يفتخر بها هو وجارُه ...
ق ج : كل شي ديالكم، واحنا غير خدامكم. بارك علينا براركنا احداكم.
ق م : عندكم ما يكفيكم طول الحياة.
ق ج: احنا بارك علينا طريَّف ذ الخبز إلى الوقت بغت، وكاس ذالما(ء) باش نطفوا النار إلى ف كرشنا شعلت.
ق م : عندكم اللي يعيشكم انتما واولادكم سنين.
ق ج: احنا بارك علينا إلى عشتوا انتما وكنتوا راضيين.
ق م : انتما اللي فنيتوا عمركم وكبيتوا عرق لجبين.
ق ج: قليلَه ف وجهكم . يا ريت غير تكونوا قابلين.
ق م : غنمكم وبـﭭركم ما بقاوا يخافوا لا م الحلالف لا من الدياب.
ق ج: كل شي ديالكم حتى اولادنا زيدوهم ف لحَساب.
ق م : حكاية الحلوف خرافَه وكذوب ، غرسها الخوف ف لقلوب.
ق ج: حاشى ما عاد الله لحلالف يكونوا خرافَه وكذوب.
ق م : م اليوم انتما ناس احرار. وحكاية لحلالف عار تبقى فيكم وعار.
ق ج: بكم ومعكم احنا احرار . انتما عزنا وضو النهار.
ق م : جات الوقت فاش تفيقوا م الـﭭلبَه. لحلالف اللي قدامكم ما هما إلا لعْبَه.
ق ج: حاشى .. حاشى واش تكونوا لعبَه.
ق م : الحلوف عجاجَه. قيمتُه قَل من دجاجَه. كيف يمكن تقدسوه وتحطوه فوق كل حاجَه؟
ق ج: حاشى نطيحوا بالحلوف. هي ما بقى فينا حد يشوف.
ق م : الحلوف تاياكل رزقكم، ولا عمْرُه فَكَّر شي نهار ف حقكم.
ق ج: بالصحَّه والراحَه يستاهل . عَمَّر شي حد تشكى م القبايل.
ق م : الحلوف كيدِّي ديالكم وكيضحك عليكم وعلى اولادكم.
ق ج: ياخذ لمخَيْر ف اولادنا م الصَّاب غير يعيش لينا. ف حياتُه لقينا اعيادنا.
ق م : الحلوف مات ، إيوا مات وحكايتُه انتهت.
ق ج: الله يحفظوا وينجيهْ حتى تقولوا مات.
ق م : الحلوف هذي سنين باش مات ومشى الخوف والدَّل والسكات. وجا لَهْنا فين يعيشوا لولاد ولبنات .
ق ج: بلا حلوف آ ش من حياة بقت !.
ق م : قلنا لكم ونزيدوا نقولوا " الحلوف مات وخيالُه راح ".
ق ج: كيف تقولوا الحلوف مات والله اعطاه سبع ارواح ؟ وخيالُه باقي معنا ف الليل وفالصباح.
ق م : الحلوف حرقناه يوم حرقنا الَغْوِيبَه.
ق ج: وا هذي حكايه غريبَه !
ق م : اليوم الغابَه كبرت صارت تفرح بالزّوّار والحطابَه. سولوها ع الحلوف، سولوها تقول لكم شطبتُه شحال هذي الشطابَه.
ق ج: وانتما وانتما آش تكونوا ف خلق الدنيا يا عجبا ؟
ق م : احنا هما سكان لقبيله المعلومَه ، اللي عشتوا معنا سنين ف الخصومَه.
ق ج: ما لنا تانشوفوكم ف صورةْ حلالف؟.
ق م : حيث فضلتوا علينا لحلالف وقلنا ما نمحوا من خيالكم صورة لحلالف غير ببطاين لحلالف. عرفنا ما نفلتوا من شركم وجهلكم غير إلى هَنِّيناكم وهَنِّينا راسنا من شر لحلالف. اليوم قلنا إلى صارحناكم ، الصراحَه غ تنفعكم وما عمركم ما غ تفكروا ترجعوا اللور وتحيِوْا ما مات م الأمور، حيث خرافة الحلوف عمَّرْها ما رخصت عليكم الحياة ولا حيدت لكم جور.
ق ج: ولكن احنا باقيين تانشوفوا قدّامنا الحلوف. كيف يمكن نصدقوا كلامكم ونمحوا من خيالنا صورتُه وهو واقف قدَّامنا بعينيه فينا يشوف؟.

( تايرموا أهل لقبايل المعلومَه بطاينهم )

ـ ها احنا اللي بغى يشوف كل واحد فينا معروف.

هربوا سكان لقبايل مدعورين. وبقاوا سكان لقبيله المعلومَه واقفين حايرين، فاهمين ما فاهمين.
بعد ساعَه صاروا فاهمين . وهذ المرَّه أكثر من فاهمين.
لقاوا راسهم وسط دائرَه حمرا غارقين.

ق ج : غدّارا ما بقى معكم معروف. فين ما كان تخَرّْجوا الحلوف. ما ماتش الحلوف.. ما ماتش الحلوف .. أبداً واش يموت الحلوف .. ابداً واش يموت الحلوف .....

غشت 1990

ــــــــــــــــــــــــــــــــــــــــــــ
( قريت هذ النص أول مرَّه بمدينة سلا ف دجنبر 90 بمقر ك .د .ش ، ومن بعد شاركت به ف مهرجان الزجل اللي تقام بمكناس ف 91 م)
[
/color]

[b]
الرجوع الى أعلى الصفحة اذهب الى الأسفل
 
ظل النمله ( خبيره)
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الزجل المغربي :: منتدى الزجل المغربي :: الحكايات الشعبية-
انتقل الى: