منتدى الزجل المغربي
أهلا و مرحبا بك ايها الزائر
منتدى الزجل المغربي ،يرحب بك و بانضمامك إليه
أهلا بحرفك المزجال ،
ننتظر تسجيلك لتفيد و تستفيد
شكرا لانكم اخترتم مشاركتنا هذا السفر الزجلي
مع خالص موداتنا
منتدى الزجل المغربي
أهلا و مرحبا بك ايها الزائر
منتدى الزجل المغربي ،يرحب بك و بانضمامك إليه
أهلا بحرفك المزجال ،
ننتظر تسجيلك لتفيد و تستفيد
شكرا لانكم اخترتم مشاركتنا هذا السفر الزجلي
مع خالص موداتنا
منتدى الزجل المغربي
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى الزجل المغربي

منتدى خاص بالزجل المغربي شعرا و نقدا
 
الرئيسيةالرئيسية  البوابةالبوابة  التسجيلالتسجيل  دخول  
ازرار التصفُّح
 البوابة
 الصفحة الرئيسية
 قائمة الاعضاء
 البيانات الشخصية
 س .و .ج
 بحـث
بحـث
 
 

نتائج البحث
 
Rechercher بحث متقدم
تصويت

 

 أرض الظل الواسعة

اذهب الى الأسفل 
كاتب الموضوعرسالة
علي مفتاح
Admin
علي مفتاح

عدد المساهمات : 468
تاريخ التسجيل : 08/04/2010
العمر : 56

أرض الظل الواسعة Empty
مُساهمةموضوع: أرض الظل الواسعة   أرض الظل الواسعة Empty2011-01-20, 09:52

أرض الظل الواسعة




و انا خارج من الضو و راجع للظل ،هزيت لي بقى معايا من كلامكم ...و ياك اليوم لارَبْعِيَّة و كلها يمسح لوحْتُه ...و انا لوحتي مجلية بين اللوَّاح... نكتب آية ،نمسحها بكُمِّي ،نحفظ سورة ،ينَسِّينِي ظلي ،نجمع النوضة ف رُزْمة صَمْتي ،نَجْمع الوقفة و انا بارك ، نتلمس ضَوْكُم ْلِّي مْدَفِّيني ،نَقْرا وُ نْعَيَّطْ عَ اللي يقرا معايا ،و شكون معايا ؟ و ياك راني وحدي و من الواد الهيه ،لا الظلمة ضايْفاتني ،لا الﮔمرة فهماتني ...و ماية ضربة ضربة من ذاك الظل، و لا قرصة صغيرة من ذاك الضو .

نشالي و نلالي وحدي ،و ظلي لاصق، سارق مني البكية... من اللي يشيط لي شي دْميعات ،يَحْرَنْ فيَّ ،يتبورَدْ عليَّ ،و شكون ادَّاها فيه و فيَّ؟ ها الصورة مجرورة...ياك نتفاﮜد و نتخايلني مخَبِّي بين لواحي ،و الشَّحَطْ سَرّ جراحي ،نخدم و نردم ف جنان الكتبة نحرث ظلي ،يمكن نزرعه، نحصد همي يمكن ندريه بعيد عليكم، و على ظلي ذاك الهبيل عليكم .

نﮕيوْني منكم و من راسي ...و ها ظلي قابل علي ،خَرّْجُوني نَسْرَحْ فْ أرض الظلْ الواسْعَة ،وُ سايَنِّي وُ عايَنِّي يا ظلي نَخْلَطْ عليك ...ساريني جنانات الضحكة ،ساريني جبال لهبال ،ساريني جناب الواد... ملي يفيض بشوفتهم لي رَيْبَتنِي من دواخلي ،و شكون حاس بي إلا خرجت من راسي و ارجعت ليَّ؟ انتَ؟ ،يمكن انتِ؟ و هو حاكمني، و برجوعي لراس ظلي... تاهمني ...و ها يدي وا "هو" و ها يدي وا "هي"، خذوها عربون ،قطعوا صباعي و دفنوها ف الظل ،يمكن ف ساعة الكمرة نبرك على ركابيَّ و نقول لها :"يا الكمرة خذي صبع غزال و اعطيني صبع حمار" ...حاشاكم و حشا التراب... لي غ يدفن لعدو فيكم و لحباب .
أنا غير منفي فيَّ ،و قلت مع راسي" آجي يا راسي ارجع ليَّ، ابرك ف الظل و تستوى ف البركة ،خلي الحرف يزيغ على خوه ،خلي الكلمة يلبسوها قفطان، يعرضوا عليها ملي لمعاني يوصلها وقت الطهارة ، خلي لقصيدة تولي صيدة لقوس لي يسوى و لي ما يسواش،و إلا كتاب و تكتب لكتاب ،ها اللغة غرامة ،و ف ظلي... نمَكَّنْ لفُمِّي كمامَة ،وُ الحاضَرْ يعلم الغايَبْ ...كانْ صغيرْ أو شايَبْ .راهْ ما ني سْلاح ْ...يَمْكَنْ تْعَوْلُوا عْليهْ ،ما نِي مْقدَّمْ يَمْكَنْ تَدِّيوْا عْليهْ ،أنا غيرْ راسْ توَحَّشْ راسُه وُ بغا يَرْجَعْ لِهْ

*****************************
و لي بغاني راه فيَّ يلقاني ...
يدق ف ضلوعي
،يلقاني ف عتبة راسي
،بارك فوق فياقي و  موسد نعاسي
طافي ضو عيني
إلا نشوفني و يبقى فيَّ راسي
الرجوع الى أعلى الصفحة اذهب الى الأسفل
 
أرض الظل الواسعة
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الزجل المغربي :: منتدى الزجل المغربي :: كتابات تأملية : سرد شعري زجلي-
انتقل الى: