مبدا كلامي

موضوع: مبدا كلامي 2011-01-18, 11:28

[مَبْدَا كْلاَمي

يالحضرْ سْمع ولْغى ولا تنسى تبلّغ لخبارْ
يالحضر كون لبيب وعيق بحر النّارْ
كلامي ليك فايدة ومعان ما هوّاش كلام العارْ
والى مشيت فين غَ تلقاني ولا تصيبك لي لقدارْ
***
هذا زمان ما بحلو زمان ولا عمّر حالو كانْ
هذا زمان الغابة والذّيب والنعجة والخرفانْ
فيه سايد الظلم الضّعيف يبقى جيعانْ
فيه القايد بالدّم حياتو ملاها طغيانْ
***
حساب ليه ليّام الدّوم على الموت مامعولْ
مغطّي بالمزافير وملحّف بالدوليدولْ
طعاموا اشكال عديدة وقرافدو كيف الغولْ
ولا فكّر يوم ايدير شوي معقولْ
***
والمسكين غطاه سما ولحافو ارض ولا قصديرْ
وطعامو شربت ما وطريف خبز فطير ْ
الجراح القاسية في قلبوا دايرا بيرْ
هاني فنفسو مايعاني الامل فالله كبيرْ

مبدا كلامي فايدة ومعاني وبيه بلاني
مبدا كلامي عظمة لساني والحرف غيواني
مبدا كلامي جراح تعاني والهم جفاني
مبدا كلامي مفتح القيود يحطّم السدودْ
مبدا كلامي حديث الجدود ماليه حدودْ
مبدا كلامي ظلم إيسود يمشي وايعودْ
***
يالحضر خود ليك وصية
كون عاقل ودير النية
ْب كلامي تيق راه فيه مزية
وبْ مالك لا تجود عليّ
center]

» كلامي ما هو كلام