عبدالعالي الوالي
عدد المساهمات : 54
تاريخ التسجيل : 20/09/2013
العمر : 50
 | | موضوع: الفكرة 2013-12-17, 09:48 | |
| الفكرة جاتني فكرة تدق فتح عقلي الباب لقيت دموعها تسيل ... فكرت حتى عييت والعقل تراب فيه نبتت الفكرة ... الدموع عين صافية تروي التراب الصح اللي جاب ... حطيت الفكرة فكف الورقة نسات التراب المداد من القلم هارب طامع فالفكرة ... كتبها فالحلم ضاع النوم... من عين العقل فيقاتو لشواق ... كتبها حروف سلمات الكلمة وراق السعد اللي داتو الفكرة ... بدلت النظر فصلتها توب جديد يجي مع الوقت ... يجي عاصر يجي مزير يجي نافخ من كلبو الزهر ... سرحات مع الوقت بنت الوقت نسات العشرة نسات التراب اللي فيه نبتت ... عاودت الحساب عاودت الحرث وزرعت من جديد ... هاد المرة بذرة ما تخون العشرة طغست عروقها فالتراب عنكاتو.. قبلها على الجبين كي ولات.. تمرة .. تَقْطعْ الصيام تجي صلاتو فرحانة مخشعة من الغرام ... جمرة ... إلى كواتك تْبْر َ من برد الخوف المعشش فالركابي ... تطربك .. تهنيك ... تحنِّي ألْيَام بالمعنى ... تجي انت عريس فوق الكلمة يفرحو الحروف اللِّي تْوَلدو فحضان الفكرة عبدالعالي الوالي 2013/11/19 | |
|
عبد العزيز سرحاني
عدد المساهمات : 116
تاريخ التسجيل : 10/05/2013
| | موضوع: رد : الموضوع: الفكرة 2013-12-19, 08:05 | |
| الزجال عبد العالي الوالي "الفكرة" عمل جديد خفيف انيق مغاير لاعمالك السابقة التغيير محمود التغيير يتطلب المغامرة استمتعت ب"الفكرة" | |
|
عبدالعالي الوالي
عدد المساهمات : 54
تاريخ التسجيل : 20/09/2013
العمر : 50
| | موضوع: رد: الفكرة 2013-12-19, 10:45 | |
| الكتبة بحر نغامروا ونستمتعوا جميع بالحرف وكثر مع مع اهلو وناسو
مودتي صديقي عبدالعزيز سرحاني ودمت ودام لك الألق أيها المبدع الرائع | |
|
