لاتغرك الدنيا

شنيا الدنيا واشنو فيها؟
آش فهاد الدنيا وحنا علاش فيها؟
الدنيا الدنيا الدنيا الدنيا الدنيا ....
شغلاتنا همومها وغراتنا بكل مافيها
ونسينا شناهو دورنا ومهمتنا فيها
سأل نفسك يا بني آدم
علاش موجودين فهاد العالم؟
حنا فهاد الدنيا عندنا الامتحان الاكبر
بديناه من المهد حتى القبر
شوف آش جنيتي من الصغر حتى الكبر
وفين ضاع عمرك وفاش دوزتيه.....
فالقصارى والضحك واللعب والترفيه...
فهموم الدنيا ووسخها والتمتع بيه.....
فالمال والولاد ويجري عليا نجري عليه....
فينو الي خلك ورزقك باش تعبدو نسيتيه؟
من بعد مافات عليك الفوت
وفقتي لقيتي نفسك فالموت
وفارقتي الحباب
راهم غادين بك للتراب
هازينك على الاكتاف ربعة من الصحاب
ومن وراك يتكلمو عليك ومالاقي ليهم جواب
يضموك للقبر ويرميو عليك التراب
يقراوعليك ويوضعو فوقك الخشاب
بعدو عليك اهلك البعاد والقراب
خلاوك في وحدتك تواجه الحساب
شوف حينها الي ينفعك من غير رب الارباب.

الهام الزجالة الواعدة
مرحبا بك بين أحضان أسرة منتدى الزجل
قصيدة جميلة,
أتمنى أن تنضمي الى كتيبة الزجالات المرموقات على الصعيد الوطني
أستهل بالدكر.. بنت الرعد والشتا الزجالة الغالية سعاد ميلي والغالية مليكة أمصاد و زينب أوليدي’,
و أتمنى فعلا أن تجدي مكانك بيننا
فاليك مودتي