السعدية الفاتحي
عدد المساهمات : 84 تاريخ التسجيل : 07/07/2013
| موضوع: شموع جميلة لاحلى ام واعذبها رقة اليك انت حبيبتي ''' زينب اوليدي '''' 2013-09-08, 05:38 | |
| السلام عليكم ورحمة الله تعالى وبركاته
تحية مزجلة من منبع الزجل اخوتي اخواتي الزجالة
ف هاذ اليوم بالذات 9 شتنبر
جات للدنيا وصرخات وباعلى صوت نادت ...انا زينب اوليدي .
وقالت بحروفها لي شاهدة
انا المرا لحرة لي شديت لحكرة ودرتها ف لكمرة ....وجلت بها جميع لحضرة وقلت انا الاولى ما ني التانية انا لمرا لي ف كمها زجل وفمها كلام ما وحل ودرتو ف سما وشتى عليكم حروف ومعاني..
وقالت . انا الانثى بلقلم ندير امارة ف كعادي بلقلم نرشم رشمة لسيادي بلقلم نحفر ف كفي وما نادي بلقلم نهز لكون بعيني بلقلم نرشم لموج بخيوط الشمس .هزت لحرووف ودارت قصايد تلحفات بهم .. .. .ف درب الزجالة تجول وف صالون لمحبة .. .تستضيف زجال وزجالة وعليهم تنادي
وبلقلم نقول ليكم راها عيدها اليوم وتسنى منكم تبريكة وتهنئة
يالله اخوتي الزجالة
حبيبتي زينب اوليدي عقبال مئة سنة
ابنتك السعدية الفاتحي اقبلي مني هذه التهنئة المتواضعة
. | |
|
عبد الفتاح بوهو
عدد المساهمات : 46 تاريخ التسجيل : 16/07/2013 العمر : 63
| موضوع: جيت نبارك مهداة الى الزجالة زينب اوليدي 2013-09-08, 19:42 | |
| السلام عليكم ورحمة الله تعالى وبركاته سيدتي عيد ميلاد سعيد وارجو ان تقبليني بين مدعوييك الناس جايبة اورود وانا جايب احروف ابغيتها اتكون شمعة واتنير ليلة عيد ميلادك
اكليمة امرشكة بحرف امبرقة ف السما ما تالفة ما حالفة تخلي نعمة كلمة تسري كيف لما انكول الشتا د الرحمة ونازلة من السما ليك يا للا ابغيتها امعسلة ما هي شهد ما هي حلوى امفرتتة باعسل لكلام نسقيها ما اتكون ناشفة اتدوز ف الفم تسري ما تبقى واقفة بروح لعمر اللي باقي ليك وخطوات لقدر اللي شاقي اعليك نهديك اكلام يرويك ما يغريك ورد مرشوش بعطر فايح من اسواقيك وانكول يا للا قبلي اعليا ف ساحتكم دار اعمارتكم يطول عمرك عمرك يطول حتى انشوف اكلامك مسدول اش انكول قدام الشاربين الحرف داخل لساحتكم وخايف لا نتلف ما انا غير ضيف بوهالي ماني اشريف طالب التسليم وف حرفي ما انسلم منكم يا للا نتعلم قبلي احريفاتي ورد اللي يشمو يسعد هو باعطر فايح وانا ف ساحة الزجالة سايح بكم ماجي ماجي بكم وبكم رايح
سيدتي مرة عيد ميلاد سعيد وارجو ان اكون ضيفا خفيف الظل
| |
|