كون بي يا قلبي ف غيمة لحوال

Admin عدد المساهمات : 298 تاريخ التسجيل : 08/04/2010

"
" كونْ بِيَّ يا قْلبِـي فْ غَيْمَةْ لَحْوالْ"

وُماهيَّ غير حَلْمَة و خَرْفاتْ
يَبْسات ْ عْروشْها
ما طَرْتْ فْ سْماها
ما غْطَسْت فْ مـــاها
مْكَـبَّــل فْ احْوالي
وذيك الفرحة عْليَّ عَلاَّتْ

لحَروف بين ضْلوعي هاجَتْ
تْزاوْكْ فْ لَكْـلامْ لْحاتْل فْ الجٌوفْ
ليْرْحلْ بْضُوّهْ لْذيكْ الدّيزَة
يْخلّي الحالْ رعْدْ فيَّ
يْشاوْرْ لْذيكْ الطْريقْ الزَّرْبانَة
تْوَصَّلْني لأحْلاَمْ غَذَّا

هَزّيني يا حْلَمْتي فِيقَة
دُخْلي فْ صْباحي شَرْقة
شَدّي بْخاطْري راري بيهْ
اعْطيني مَنْ ضٌوّكْ بَرْقة
شَعْلي شْموعْ لَقْليبْ فيَّ

يا ذاكْ الباسْ...
لَمْهَوَّسْني
ها عارْ الله...

ادخُلْ فْ شَقّْ تَخْمامي سٌؤالْ
نْسَوَّلْ الرَّاكَدْ فيَّ

عَلْ الحال اللّي تْسرْسَبْ مَنْ ﭬْماطٌهْ
عَلْ اللّيلْ اللّي لْبَسْني ظْلامْ لْنهارٌه
عَلْ النهارْ اللّي مْخاصَمْ ضٌوْ ليلٌه
عَلْ المعنى اللّي تْنَكَّرْ لَجْدورٌه

عل الدنيا اللي غابة و شَلَّـة مْصايْدْ
حالفة حتى تَـتْـردّْ الزمانْ شاقورْ
يضْربْ... يعْطبْ...
يحْصدْ سوايعْ الحالْ

الحال يا ذاك الحال
ﻟﻤﯕمَّطْني فْ الْوانُه
واشْ لونكْ مابْـقَـى فيهْ لونْ؟
علاشْ حتَّى الحَلْمْ كْشَفْ مَنْ لونُه

و الحالْ ...يا ذاك الحالْ
الخارجْ من الدنيا بَاحْوالْ
وُ تـْنَكَّرْ لْكونُهْ
وْ انـَا... ها وجْهي
ها لونه...
كُونْ بيَّ...
كُون عْليَّ...
و انا ...
بالْوانَكْ...
نْكونْ...

الدار البيضاء 15مارس2011

زائر

ارى اصداء هتاف متناغم المشاعر والمتدثرة بالامل وقلب مزروع على رصيف حرف متالق شامخ تحرقه نار الابداع مشاعر حزينة لتقطر بحرارة معاناة القصيد
دمت للابداع منارا ايتها الراقية
ودي وتقديري
اعتذر للتاهر في الرد لظروف صحية تحياتي الابداعية
زينب خدومة المنتدى

» حال من لحوال
» صداع قلبي ....
» بين قلبي وعقلي
» سماحة قلبي
» علاش يا قلبي