نْــــــــــوَارْ الظَّـــــــــــــلْمَه .
مَادَا مَنْ* سْرُوتْ
تَحْتْ لَبْرَادَعْ
تَخْفِي فَ عْيُونْهَا
نْوَارْ الظَّلْمَه
الْجُوعْ فَ كْنَانْهَا سْرَى
سْبُابو كَسْرَا مْكَشْرَه
حَلْفَتْ لَ الَّظلْم مَا ْتْخَالَفْ
نْطَقْ لَكْلاَمْ بِيهْ تَاقَتْ
بَدْلَتْ لَرْسَامْ مَا رْتَاحَتْ
تْعَدْ الْخَطْوَه فَ ظْرُوفْ لِيَّامْ
تْشُوفْ فَ التَّرْيَاقْ
ضَاقْ مَالاَقْ
تْكَدَّرْتْ حْلاَمْهَا
حْرَارْ طْعَامْهَا
فْ عَزْ يَّامْهَا
شْيَانْ الْمَذَاقْ
بْلاَ غَايَه مَاشْيَه
فَ طْرِيقْهَا بَاكْيَه
شَارْدَا مَفْزُوعَه
مَثْلَ الْقَنْدِيلْ بْلاَ فْتِيلَه
هْمِيمْ كْسَاتُو رْتِيلَه
فْ سَرْبَه رَكَّابْهَا ضْبُوعَ.
الضَّرْسَه فِيهَا عُودْ
مَنْ حَرْ الْقَهْرَه التِّيقْ بَ وْعُودْ
مَشِّينُو سَارَحْ لَقْبِيلَه
مَسْكِينَه حْزِينَه
مَحَْتارَا. يَاوَ فَ صْرُوفْ مَاضِي
الدِّيبْ الْعَقَّارْ مَنْهَا حَاضِي
نَاسِي أصْلُوفَ الْعِيبْ تَاهْ
يَرْهَبْ لَنْفَاسْ بْ سِيفْ مَاضِي
كِيفْ الرَّافَضْ كِيفْ الرَّاضِي
الظَّالَمْ فَ النَّاسْ لاَزْمُو قَاضِي
وَلِّي بْغَاهْ اللهْ بْغَيْنَاهْ
آهْ يَا وَعْدِي طْيُورْ رَاحَتْ
تْبَرِّي عْلَى فْرَاحْ ضَاعَتْ
وَسْطْ الْمُوجَاتْ تْصِيحْ بَ حْيَاةْ
لاَ تَحْسَابْ أوَ بَ السَّرْ بَاحَتْ
رَاهْ بَ الْمُوتْ رْضَاتْ وَرْتَاحَتْ.
*سروت=الخيل الأصيلة