نظرة القلب

نظرة القلب

أحمد لبكيري



قلب يا اللي ناوي تنقلب ..
أو ..شوف قلوب الناس

الكلمة ..هي القلب ..
والقلب هو قالب ..
فيه اتعبأ..واتقلب ..

هو سؤال ..أو ..جواب منو تفهم
وتعاود السؤال ..

القلب ..مختبر ..فيه اتحلل..وتعمل
فيه اتصفي ..تشعل ..أو تطفي
فيه تخفي ..أو منو تنفي

شحال من إنسان ..قلبو صافي
صفا غير أيام ..
وارجع بعد سوايع ظلمة ..أو عوافي

القلب مراية ..اللي صافي ..
منو تذوق الصفا ..واخا خافي
واللي طافي ..واخا ينطق بكلامو وافي
منو تلقى الجفا ..على نابو قوافي

القلب يصفي ..والدم فيه سالك طريقو
وماهو معفي ..