الكُنْكَانَة

لُوكَانْ الْكُنْ تْدَاوِي
لــُو كـَانْ الْكَانْ طْـبـِيبْ
رِيحْ الشّوقْ الْخَاوِي
فىْ الْكَانْ دُخّانُه يْغِيبْ
الْحَـــاضْرْ ناظْرْ رَاوي
يـُوْقَـفْ يـِرْجَـعْ صْلِـيـــبْ
بحال الرْبـِيبْ
-----------
لوكانْ الْكُــــنْ تـَنــْفَــعْ
لو كانْ الْكـَــانْ حْــيَاتْ
يَنْـبُوعْ بــْالْـمَـــاء يَنْبَــعْ
نَسْقِيـوْ مْنّـه حَكْماتْ
نْغَرْفُو مَنْ شْهَدْ اسْمَعْ
مــَايَحــْلا مــَنْ لـَذّاتْ
فهد الـْحَيـــاةْ
--------------
الـْكُنْ... يالكن
ياغَفْلَة مـْنْ حـِيــنْ فَاتْ
يا الفاقَدَ الــرّوحْ وُ الــــّذاتْ
ياَ اللي الرّتِيلَة
عْلَى قَبْـركْ نْسْجَاتْ
خرَايفْ وُ حْكايـاتْ
---------
صْريطْ وُ مْريـطْ وُقْصَايرْ
بْالشّهَاوي وْ الَمْلَذّاتْ
ولعمر كالريش طَايِـرْ
وزْمانْنَا كْالَهْـبـَا سَايـِــــرْ
ونْكابِينا صبحات فُرْجاتْ
---------
قالو الـْكُنْكـَانَة فـْالـُجْلاسِي:
كُـنْ حَزّمْتْ اُوْ رَزّمْتْ
وَاهْـلي عْليكْ أَرَاسِي
كــُنْ زْعَمْتْ وُ كْرُزْتْ
كُنْ بْنِيتـَكْ أَسَاسي
كــَانْ الـرّخَا وْ مَادَرْتْ
كُنْتْ غَافْلْ اُوْ نَاسِي
الـــرّاسْ والذّاتْ
----------
كـَانْ فـْـلانْ وُ فـْــــلانْ
وْ كـَـانْ ذاكْ الـْمَـنْبَـــعْ
يَسْقِي كُلّ عَطـْـشَانْ
مْـنْ حْلاَوْتُـه مَاتـَقـْنـَعْ
اوْ ذَاكْ الـْبُـرْجْ الْعَـرْيَانْ
كـَانْتْ اسْوَارُه تـَخْلـَعْ
وُلـْيُومْ دار الزمان وتـْهَدْمَاتْ
--------
وذاك البرج العالي
يامَصّـابْ كُـــنْ تْــصَــــانْ
مَــا يْـريبـو ليـهْ الْحِيـطـانْ
وْيُسْقَطْ فْبْحُورْ الكــــــــانْ
وُ يْنَعْتـــوهْ بْـالــصّــَبْـعـــانْ
كُنْ مَا زَلّ زَلاتْ
---------
لُوْ كَانْ الْــكُــنْ تـَتـْـدفـّقْ
وادْها يَجْري بْالـْحَكْماتْ
يَسْقِي الدّمَاغْ لـَمْشَقـّقْ
يـرْدَمْ الـْهَمّ فـْى حَفـْـرَاتْ
تـْعُــودْ الضّــايَــة بالصفا تـَـنْطَقْ
وُ نْحَـقـّـقو الْمُـعْـجِـــزَاتْ
وْ تـَـرْتاحْ كل الذاتْ
-----------
الضّاوْيَة تـَرْجعْ لـْـكُـلّ عِينْ
تْكـَحّلْ فوق صْفـَاهَا الـْعينينْ
تـْعودْ وُ تـْبَحْلـَصْ فـْى مَاهَا
تــْسُوّكْ وُ تـْلـُوّكْ بـْتــْرَاها
تْعودْ وُ تـْغَنّي عْلىَ بْهاها
الـْحَنّة فىْ الـْكـَفّ تـَخْضَـار
تـْـزُولْ مْــنْ سَاحْتـْنَا لكْدارْ
الَخْـدُودْ الــّذابْـلة تـْـحْـمَار
بْلاَ عَكّــارْ
-------------
لُـْو كَانْ الْكــانْ يِرْجَعْ
مَايبْقَى فْى الْقَلْبْ وْجَعْ
تَرْحَلْ بْجْمَارْها الْقُهْرَة
تْذُوبْ فْى نَارْها الزّفْرَة
نَــخـْلاَقـو قـَتـّة تـَخــْلَـعْ
اُوْ صُولـْة الـْـمَاضِي تـَـرْجَعْ
دْراعْنَا يْهَرّسْ لحْـــدودْ
عِيشَة ْ البـُو وُ الجْـــــدودْ
----------
الـْـغابَة تـْرْجَعْ عُشّ دَافِي
اغْــصَانْ دْوَالِيهَـا امْـعَـانـْقَـَـة
افـْراخْنَا تـْرَبّي الريشْ
ويْعيشْ فِينا الدّرْويشْ
تـْرْجَــــعْ للــوْجـُوهْ الـْبَسْمــَة
وُ الصّـْـفـَا للـْـمَــا
وُالصّدْقْ للـْقـْلــُوبْ
تْحُــوّمْ فسْمَانَا الحْكْمَـــــة
بْـجَنْحَــانْ الطيب والرّحْمَة
---------
احْنَا الـْغَالـــْبْ
مَافِينَا مَغْلوبْ
وُ الــْـكانْ
نْقَطـّروهْ طِيبْ للزّمانْ
وُ الــكنْ تـحيى وُتـْــــكونْ
فْى حْيَاتـْنا رْبَاطْ الاخْوانْ
نحياو فالسِّلـْمْ وْ الاَمَانْ.
وتغيب كلمة " كن " و" كان "
ونعيشو الحاضر
ونعيشو فهد الزمان

الأخ والمبدع جمال فياش
الأخ والمبدع علي مفتاح
أشكر لكما مروركما الكريم، وبصمتكما الأكرم، وأتمنى أن أكون عند حسن الظن.